ABŞ-Türkiyə arasında ticarət dövriyyəsi bu ilin ilk 8 ayında 13,7 milyard dollar olub. Türkiyənin ABŞ-a ixracı bu dövrdə keçən ilin ilk 8 ayına görə 32 faiz artımla 5,8 milyard dollar təşkil edib. ABŞ-ın Türkiyəyə ixracı isə keçən ilin eyni dövrünə görə azalıb, 7,9 milyard dollar təşkil edib.

Türkiyənin ABŞ-a ixracı ümumi ixracatının 6 faizə yaxınıdır, ABŞ-ın Türkiyəyə ixracı ümumi ixracının 0,001 faizə yaxınını təşkil edir.

Türkiyədə birbaşa ABŞ kapitalının həcmi 100 milyard dollardan çoxdur. ABŞ ölkəyə ən çox investisiya qoyan ilk 5 ölkədən biridir.

Türkiyənin sivil dünya ilə münasibətləri gərginləşdirir, ölkə son 6-7 ildə tutarsız xarici siyasət aparır:

1.) Gah «Ey Rusiya» deyib Kremli təhdid edir, gah da Putini ən yaxın dostu sayıb, ondan «S-400» kompleksi alır;

2.) Əsədə «qardaşım» deyirdi, sonra ən böyük düşməni elan etdi, indi isə onunla Moskva üzərindən gizli danışıqlar aparır;

3.) Bərzani ən yaxın dostu idi, Şimali İraqda «Kürdüstanın» qurulmasında, ordusunun, iqtisadiyyatının yaranmasında Türkiyə ən böyük rol oynadı, indi Bərzani düşmən oldu;

4.) Mərkəzi İraq hökumətini heçə sayırdılar, oradan qaçan yüksək vəzifəli məmurlar Türkiyədə gizlənirdi, rəsmi Bağdad ən böyük dost oldu;

5.) İrana həmişə şübhə ilə yanaşırdılar, indi İran ən böyük dost oldu;

6.) Üç gün öncə Putinlə görüşdü, tam iş birliyi sözü verdilər, dünən Kiyevdə Krımın işğal olunduğunu, Rusiyanın işğalçı olduğunu bəyan etdilər;

7.) Suriyada məzhəb üzərindən siyasət aparıb bəlli qruplara ciddi dəstək verdilər, sonra həmin qruplarla vuruşmağa başladılar;

8.) Ölkəyə demokratiya gətirəcəyik dedilər, onlarla jurnalist həbs edib, onlarla media qapatdılar;

9.) FETÖ-yə «Hocam» deyib dövləti onlara təslim etdilər, indi onlarla mübarizə aparırlar.

Belə tutarsız siyasət olmur, olanda da ABŞ-la, AB və dünya ilə böhran yaşanır.

Təbii ki, ABŞ-ın da, AB-nin də öz maraqları var, onlar heç də «süddən çıxmış ağ qaşıq» deyillər. Amma Dövlət adlanan İnstitutun öz tutarlı, ardıcıl, məntiqli, iqtisadi və siyasi gücünü doğru hesablaya bilən siyasəti olmalıdır.