Kremlin tənqidçisi və Rusiyada qadağan olunmuş millətçi müxalifət hərəkatının lideri Avropa Birliyində siyasi sığınacaq aldığını deyir.

«Nastoyasheyo Vremya» televiziya şəbəkəsinə müsahibəsində Vyaçeslav Maltsev deyib ki, iyulda Rusiyaya qaçıb və bir müddət AB ölkələrindən birində həbsdə saxlanıb, daha sonra ona qanuni qalmağa sənədlər verilib.

Maltsev noyabrın 15-də verdiyi müsahibədə hansı ölkədə qaldığını açıqlamayıb.

Noyabrın 5-də bolşevik inqilabının 100 illiyi münasibətilə Moskva və Rusiyanın digər şəhərlərində keçirilən yürüşlərdə Maltsevin yüzlərlə tərəfdarı saxlanıb. O, daha öncə noyabrın 5-ni prezident Vladimir Putini devirəcək «yeni inqilab»ın başlanğıc günü elan etmişdi.

Mayda Maltsev ekstremist fəaliyyətə çağırdığına görə qiyabi mühakimə olunub.