Ukrayna martın 4-ü səhər saat 05.00-dək bütün qoşun növlərini Krım yarımadasından çıxarmalıdır. Rusiya Silahlı Qüvvələri Ukraynaya ultimatum verərək martın 4-ü səhər saat 05.00-dək bütün qoşun növlərini Krım yarımadasından çıxarmasını tələb edib. Ultimatumda bildirilir ki, əks halda Krımın azad edilməsi üçün genişmiqyaslı hərbi əməliyyatlara başlanacaq. Krımdakı qaynaqlardan alınan xəbərlərə görə, əhali təşviş içərisindədir. Bir çox ailələr yarımadanı tərk edir. (musvata.com)

***

Rusiya Ukraynanın hərbi qüvvələrinin Krımı tərk etməsi üçün Moskva vaxtı ilə səhər saat 07:00-a kimi ultimatum verməsi barədə xəbərləri təkzib edib. 

Ukrayna müdafiə nazirliyinin yaydığı bu xəbər Rusiya Müdafiə Nazirliyinin rəsmi təmsilçiləri tərəfindən təkzib edilib. Nazirlikdən xəbəri “tam cəfəngiyyat” adlandırıblar. “Bizi Krımda üz-üzə qoya bilməzlər” - deyə Rusiya Müdafiə Nazirliyindən bildiriblər.

Daha öncə, yayılmış xəbərə görə, yerli vaxtla saat 05.00-a (Moskva vaxtı ilə 07.00-a) kimi Krımdakı Ukrayna silahlı qüvvələri təslim olmazsa, Rusiya silahlı qüvvələrinin hücuma keçəcəyi barədə ultimatum verilmişdi. (anspress.com)