Ukrayna Moskvanın müharibəsini ölkənin cənub və şərqinə yönəltdiyi üçün qonşu Moldovada sabitliyi pozmaqda, qərb isə Ukraynaya hücum etdiyi üçün ona qarşı tətbiq edilən sanksiyalara cavab olaraq, Rusiyanı Polşa və Bolqarıstana qaz nəqlini kəsdiyinə görə “şantajda” ittiham edib.

Ukrayna Müdafiə Nazirliyi aprelin 27-də bildirib ki, Xarkov vilayətinin şimal-şərqindəki Velika Komışuvaha və Zavodı, Şərqi Donetsk vilayətinin Zariçnye və Novotoşkivsk kəndləri Rusiya qüvvələrinin əlinə keçib. Məqsədi şərqdə Kremlin dəstəklədiyi separatçıların əlində olan ərazilərlə Rusiyanın işğal etdiyi Krımı birləşdirməkdir.

Qərbdə Ukrayna ilə həmsərhəd, Rusiyanın dəstəklədiyi separatçı Dnestryanı bölgədə baş verən bir sıra partlayışlar müharibənin sızması ilə bağlı qorxuları artırıb.

Ukrayna prezidentinin köməkçisi Mixaylo Podolyak aprelin 27-də Moskvanı Moldovada “sabitliyi pozmaq” üçün Dnestryanı regiondan istifadə etməkdə ittiham edib.

Rusiya Mərkəzi Hərbi Dairəsinin komandiri vəzifəsini icra edən Rüstəm Minnekayev keçən həftə 1990-cı ildən, Moldovadan ayrılaraq müstəqilliyini elan edəndən bəri separatçıların nəzarətində olan Dnestryanındakı rusdilli əhalinin “əzildiyini” bildirib. Moskva oxşar iddialardan fevralın 24-də Ukraynaya işğalına qismən haqq qazandırmaq üçün istifadə edib.

Dnestryanı separatçı hakimiyyət partlayışları “terror hücumları” adlandırdıqdan sonra Podolyak Moldovanın paytaxtına istinad edərək, “Ukrayna süqut etsə, sabah Rusiya qoşunları Kişinyovun qapılarında dayanacaq” deyib.

Qərbdə isə Avropa İttifaqı Rusiyanın dövlət enerji nəhəngi “Qazprom”un Bolqarıstan və Polşaya qaz tədarükünü tamamilə dayandırmasından sonra Moskvanı “şantajda” günahlandırıb.

Polşa qaz tədarükünün kəsildiyini təsdiqləyib. Bolqarıstanın Baş naziri Kiril Petkov isə Rusiyanın bu addımının mövcud müqaviləni ciddi şəkildə pozduğunu və birtərəfli şantajın qəbuledilməz olduğunu deyib.

Bolqarıstanın energetika naziri Aleksandr Nikolov aprelin 27-də bildirib ki, alternativ həll yolları axtarılarkən ölkə istifadəçilərin ehtiyaclarını ən azı bir ay ödəyə bilər.

“Alternativ tədarüklər mövcuddur və Bolqarıstan ümid edir ki, alternativ marşrutlar və təchizat Avropa İttifaqı səviyyəsində təmin ediləcək”, - deyə Nikolov bildirib.