
Fransada 400 minlik dövlət cinayəti
Miqrasiya məmuru narkotik tacirlərinə 10 min avroya yaşayış kartı satıbmış
Miqrasiya məmuru narkotik tacirlərinə 10 min avroya yaşayış kartı satıbmış
... “Danone” Almaniyadakı ən böyük fabrikini bağlamağa hazırlaşır
Donald Trampdan prezident seçkilərində iştirakına mane olunan siyasətçiyə dəstək
Hərbi xərclər Soyuq Müharibədən bəri ən yüksək səviyyəyə qalxıb
Fransa prezidenti Emmanuel Makronun mümkün sülh danışıqları üçün Rusiyadan “təhlükəsizlik zəmanəti” tələbi Ukrayna administrasiyasının kəsin reaksiyasına səbəb olub.
Ukrayna Milli Təhlükəsizlik və Müdafiə Şurasının katibi Oleksey Danilov “Kimsə terrorçu və qatil ölkəyə təhlükəsizlik zəmanəti vermək istəyir”, – deyib.
Danilov bildirib ki, “nüvə silahından azad və ordusu tərksilah edilmiş Rusiya” mümkün sülh danışıqlarında yeganə təhlükəsizlik zəmanəti olacaq.
Bundan əlavə, şuranın katibi II Dünya müharibəsində bəşəriyyətə qarşı cinayət törədən nasist liderlərinin mühakimə olunması üçün 1945-1946-cı illərdə fəaliyyət göstərən Nürnberq Beynəlxalq Hərbi Cinayət Məhkəməsinə istinad edərək, "Nürnberq yerinə Rusiya ilə müqavilə imzalayıb əl sıxmalıyıqmı?" dedi.
Ukrayna Prezident Aparatı rəhbərinin müavini Mixail Podolyak “Twitter”də yazıb: “Sivil dünyanın Putindən sonrakı Rusiyanın barbar niyyətlərinə qarşı “təhlükəsizlik zəmanəti”nə ehtiyacı var”.
Makronun bəyanatına reaksiyalar təkcə Ukrayna ilə məhdudlaşmayıb. Qərb ölkələrinin liderləri ukraynalı rəsmilərin sözlərinə qüvvət verib.
Latviyanın baş nazirinin müavini və müdafiə naziri Artis Pabriks, “Rusiyaya təhlükəsizliyin təmin edilməsi ilə müharibəni bitirmək ideyası ilə hərəkət etmək Kremlin tələsinə düşmək deməkdir”, – deyib.
Finlandiyanın keçmiş baş naziri Aleksandr Stabb da Fransa liderini tənqid edib: “Rusiya ilk növbədə digər ölkələrə hücum etməyəcəyinə zəmanət verməlidir”.