Rusiya muzdlularının bir müddət əvvəl yerləşdikləri Burkina-Fasonu tərk edərək, Ukrayna qüvvələrinin hücumuna məruz qalan Kursk şəhərini müdafiə etmək üçün ölkəyə qayıtdıqları bildirilir.

“France-Presse” Agentliyinin məlumatına görə, Ayı briqadasının komandiri Viktor Yermolayev dünən (avqustun 30-da) “Telegram” kanalı vasitəsilə verdiyi açıqlamada Fransanın “Le Monde” qəzetinin bəzi döyüşçülərinin Rusiyaya döyüşmək üçün qayıtması xəbərini təsdiqləyib.

Cedi ləqəbli komandir deyib: “Ukraynalıların müharibəni seçdiyini gördük. Müharibə bizim peşəmizdir. Rus döyüşçüsü üçün vətəni müdafiə etməkdən böyük şərəf yoxdur”.

Bir neçə gün əvvəl “Ayı Briqadası” “Teleqram” vasitəsilə yaydığı açıqlamada son hadisələrlə əlaqədar briqadanın 2014-cü ildə Rusiya tərəfindən ilhaq edilmiş Krıma qayıtdığını bildirmişdi.

Öz ərazisinin şərqində irəliləyən rus qüvvələrinə qarşı aylarla geri çəkilən Ukrayna avqustun 6-da Kursk sərhəd bölgəsində görünməmiş genişmiqyaslı hücuma keçərək müharibəni Rusiya ərazisinə apardı.

Davam edən hücum İkinci Dünya müharibəsindən bəri öz torpaqlarında bu qədər çox düşmən qüvvəsi görməyən Rusiyanı təəccübləndirdi.

Qərb təhlükəsizlik mənbəsi bəyan edib ki, təxminən 300 muzdludan 100-ü Burkina-Fasonu tərk edib. Bu rəqəmi Cedi də təsdiqləyib.

“Onlardan bəziləri, əlbəttə ki, qalacaq. Bizim bazalarımız, mülklərimiz, avadanlıqlarımız və sursatlarımız var. Biz hər şeyi buraxıb Rusiyaya qaytarmayacağıq”, – Cedi deyib.