Rusiyanın xarici işlər naziri Sergey Lavrov dünən Suriyada vəziyyətin pisləşməsinə və keçmiş rejimin süqutuna görə Bəşər Əsədi günahlandırıb: “Heç nəyi dəyişmək istəməməsi və hakimiyyəti müxalifətlə bölüşmək istəməməsi onun çöküşünün əsas səbəblərindən biri olub”.

“Son 10 il ərzində ərəb dövlətlərinin göstərdiyi yardıma, o cümlədən Suriyanın keçmiş prezidenti Bəşər Əsədin Rusiyanın müdaxiləsi tələbinə və Astana formatının işə salınmasına baxmayaraq, Dəməşqdəki hakimiyyət siyasi prosesi ləngitmək və status-kvonu saxlamaq istəyini nümayiş etdirib”, – Lavrov Moskvada keçirdiyi mətbuat konfransında deyib.

Lavrovun sözlərinə görə, təxirə salınma Suriya iqtisadiyyatını boğan iqtisadi sanksiyaların yaratdığı problemlərlə müşayiət olunub: “Suriyanın neftlə zəngin şərq hissəsi ABŞ tərəfindən işğal edilib və oradan çıxarılan resurslardan gələn gəlirlər Suriyanın şimal-şərqində separatizmi dəstəkləmək üçün istifadə olunur”.

“Mən onlara mərkəzi hakimiyyətə ehtiyac olduğunu söylədim, lakin onlar dedilər ki, ABŞ onlara öz hökumətlərini qurmağa kömək edəcək. Biz Türkiyə və İranın onlara öz dövlətlərinin yaradılmasına icazə verməyəcəyini söylədik”, – Lavrov deyib.

Lavrov Moskvanın kürd qrupları ilə əvvəlki dialoqlarından bəzilərini belə izah edib: “Biz kürdlərlə (Suriyada) mərkəzi bir hakimiyyətə ehtiyac barədə danışdıq, lakin onlar ABŞ-ın onlara öz hökumətlərini qurmağa kömək edəcəyini söylədilər. Biz Türkiyə və İranın onlara öz dövlətlərinin yaradılmasına icazə verməyəcəyini söylədik”.

Lavrov vurğulayıb ki, Rusiyanın mövqeyi Suriya, İraq, İran və Türkiyənin konstitusiya statusu çərçivəsində kürdlərin hüquqlarının təmin edilməsinin zəruriliyinə yönəlib.