Rusiya Xarici İşlər Nazirliyinin (XİN) sözçüsü Mariya Zaxarova Aİ liderlərinin “Ukrayna və müdafiə” mövzusunda fövqəladə zirvə toplantısı ilə bağlı yazılı açıqlama verib.

Rusiya XİN sözçüsü Avropa Birliyinin (AB) yenidən silahlanma qərarı ilə təhlükəli geosiyasi oyunlar oynadığını iddia edib.

Zaxarova sammitdəki müzakirələrin və nəticələrin ticarət-iqtisadi inteqrasiya layihəsi olan AB-nin sürətlə Rusiyaya “strateji məğlubiyyət” verməyə yönəlmiş hərbi birliyə çevrildiyini göstərdiyini bildirib və əlavə edib: “Yenidən silahlanma qərarı Brüsselin reallığa məhəl qoymadan təhlükəli geosiyasi oyunlar oynamağa davam etməsi deməkdir”.

Zaxarova xatırladıb ki, AB sülh axtarmaq əvəzinə Kiyevə hərbi və maliyyə yardımını sürətlə artırmaq planlarını açıqlayayaraq, bununla da qəsdən gərginliyi artırıb və dialoq ehtimalını arxa plana keçirib.

Avropanın sürətli hərbiləşdirilməsi və yenidən silahlanmasının elan olunduğunu iddia edən Zaxarova, “Avropalıların gələcək nəslinin borc əsarətləri Rusiya təhlükəsi ilə bağlı şayiələrin arxasında gizlənir. Hüquq qabiliyyətinin və real hərbi imkanların olmaması NATO-nu tamamlayan AB-nin strateji muxtariyyəti ilə bağlı fərziyyələrə səbəb olur”, – deyib.