Daha bir Avropa ölkəsi qadınlar üçün məcburi hərbi xidməti qaniniləşdirir. Danimarka Silahlı Qüvvələrinin Baş Qərargah rəisi Maykl Hildqord qadınların 2026-cı ildən orduya çağırılacağını açıqlayıb. Danimarka Müdafiə Nazirliyi bu qərarın 2026-cı ildən etibarən tətbiq olunacağını bildirib.

Danimarkanın müdafiə naziri Troels Lund Poulsen qadınların orduya cəlb olunması ilə bağlı açıqlamasında, “Mövcud müdafiə və təhlükəsizlik siyasəti vəziyyətini nəzərə alaraq, silahlı qüvvələr daha çox insan cəlb etməlidir”, – deyib.

Bu dəyişikliklə 2025-ci il iyulun 1-dən sonra 18 yaşı tamam olan qadınların gələn ildən etibarən məcburi hərbi xidmətə cəlb edilib-edilməyəcəyini müəyyən etmək üçün illik sistemə daxil ediləcək. Artıq kişilər üçün keçərli olan bu təcrübə qadınlar üçün də məcburi olacaq.

***

“Bu addım qadın və kişilər arasında tam bərabərliyin 1 iyul 2025-ci ilə qədər irəli sürülməsi baxımından mühüm mesajdır”, – Poulsen bildirib.

Lakin məcburi hərbi xidmət üçün könüllülərin sayı kifayət qədər olarsa, illik püşkatma keçirilməyəcək. Yeni hərbi nizamnamələr çərçivəsində xidmət müddəti də 4 aydan 11 aya qaldırılıb.

Danimarka fevral ayında Rusiyadan gələn təhdidlərə qarşı tədbir görmək üçün növbəti iki il ərzində (2026-2027) müdafiə xərclərinə əlavə 6,8 milyard avro ayıracağını açıqlamışdı. Ötən il müdafiə büdcəsi 5,4 milyard avro artırılıb.