Federal Müdafiə Nazirliyinin məlumatına görə, yeni hərbi xidmətin 2026-cı ildə mümkün qədər tez başlaya bilməsi üçün qanun mümkün qədər tez, yanvar ayınacan qüvvəyə minməlidir.

Federal müdafiə naziri Boris Pistorius 2029-cu ilin sonuna qədər orduya təxminən 114 min nəfəri cəlb etmək istəyir. “Der Spiegel”də dərc olunan xəbərə görə, Pistorius Bundestaqda CDU/CSU və SPD millət vəkillərinə yeni hərbi xidmət planları ilə bağlı verdiyi brifinqdə bu məqsədi qeyd edib. Xəbərə görə, Pistorius ilkin olaraq könüllü hərbi xidmətlə bağlı qanun layihəsini avqustun sonuna qədər federal kabinetə təqdim etmək istəyir.

Federal Müdafiə Nazirliyinin məlumatına görə, yeni hərbi xidmətin 2026-cı ildə mümkün qədər tez başlaya bilməsi üçün qanun mümkün olduğu təqdirdə yanvar ayına kimi qüvvəyə minməlidir. “Der Spiegel”in məlumatına görə, məcburi hərbi xidmətə qayıtmaq yalnız şərtlərlə mümkün olacaq.

Məlumata görə, Pistorius Bundesverin şəxsi heyətinə olan tələbatının ödənilmədiyi və ya təhlükəsizlik vəziyyəti əhəmiyyətli dərəcədə dəyişdiyi təqdirdə Nazirlər Kabinetinə məcburi hərbi xidmətə qayıtmağı təklif edə bilər. Nazirlər Kabinetinin səsverməsindən sonra Bundestaq sadə səs çoxluğu ilə məcburi hərbi xidmətin bərpası barədə qərar qəbul edə bilər.

Həftə sonu SPD partiyasının konfransı könüllü hərbi xidmətə çağırışını təzələdi. Sosial Demokratlar “könüllü hərbi xidmətin artırılması üçün bütün tədbirlər tükənməzdən əvvəl hərbi xidmətə çağırış üçün aktiv qanuni varianta” qarşı çıxdılar.

Pistoriusun hərbi xidmətlə bağlı yeni planları ilkin olaraq bütün gənc kişi və qadınlara sorğu vərəqəsinin göndərilməsini nəzərdə tutur. Kişilər anketi doldurmalıdırlar, qadınlar isə könüllü olaraq dolduracaqlar. Daha sonra uyğun namizədlər orduya dəvət olunacaqlar.