2022-ci ilin may ayında Frankfurt Hava Limanında gömrük yoxlaması zamanı Türkiyə üzərindən Rusiyaya getmək istəyən qadının çantasından təxminən 15 min avro nağd pul tapılıb. Qadın bu pulu yol xərclərinə, diş, “in vitro” mayalanma və plastik cərrahiyyə kimi planlaşdırılan müalicələrə sərf etmək istədiyini bildirib. Lakin Alman Gömrükləri qadına cəmi 1000 avro verib və pulun qalan hissəsini müsadirə edib. Qadın da bu şərtlərlə səfərindən imtina edib.

***

Avropa Birliyi Rusiyanın Ukraynaya hücumundan sonra 2022-ci ilin aprelində yeni sanksiyalarla bağlı qərar verib. Bu qərara əsasən, AB-yə üzv ölkələrin rəsmi valyutalarında (avro da daxil olmaqla) Rusiyaya nağd pul çıxarılması qadağan edilib. Lakin şəxsi istifadə və ya ailə üzvlərinin fərdi ehtiyacları üçün daşınan ağlabatan məbləğdə nağd pul bu qadağadan azad edilib.

***

Qadına qarşı qeyri-qanuni pul ixracına cəhd maddəsi ilə iş açılıb. Birinci instansiya məhkəməsi qadını təqsirli bilib. Lakin qadın qərardan apellyasiya şikayəti verib və məsələ Avropa Məhkəməsinə verilib. Alman məhkəməsi bu mövzuda AB qanunlarının necə şərh edilməli olduğunu soruşdu.

Avropa Ədalət Məhkəməsi (EuGH) bu istisnanın müalicə xərclərini əhatə etmədiyinə qərar verib. Qərarda bildirilirdi ki, Rusiyada estetik, diş və ya hamiləlik müalicəsi şəxsi istifadə üçün zəruri xərclər sayıla bilməz.

Yekun qərarı Almaniya məhkəməsi verəcək.

Bu qərar məcburi olduğundan, indi son sözü deyəcək Frankfurt Məhkəməsi Avropa Ədalət Məhkəməsinin bu şərhinə istinad etməli olacaq.