Amerikanın ən sevimli ləzzətli qidalarından bəziləri, qablaşdırmalarında müəyyən inqrediyentlər barədə xəbərdarlıq etməsələr, ABŞ-ın bəzi bölgələrində qadağan edilə bilər.

“Bloomberg”ə görə, Texasda yeni qanun ştatdakı istehlakçıları digər ölkələrdə “insan istehlakı üçün tövsiyə edilməyən”, lakin hələ də ABŞ-da icazə verilən inqrediyentlər barədə xəbərdar edə bilər.

Qanun layihəsi qəbul olunarsa, 2027-ci ilə qədər sintetik qida boyalarından ağardılmış una qədər 40-dan çox inqrediyentdən məhsulun qablaşdırılmasında xəbərdarlıq etiketlərinin olması tələb olunacaq.

Qanun layihəsi “Nacho Cheese Doritos”, “Little Bites Chocolate Chip Muffins”, “Skittles”, “M&Ms” və “Sour Patch Kids Watermelon” kimi qəlyanaltı yeməklərə və konfetlərə, həmçinin səhər yeməyi taxıllarına və “Froot Loops”, “Cinnamon Toast Crunch” və “Mountain Dew” kimi qazlı içkilərə təsir göstərəcək.

Qubernator Qreq Abbott qanun layihəsini imzalasa, bu, ştatda satılan qəlyanaltılara təsir edəcək. Qanun həm də ümummilli dəyişikliyə səbəb ola bilər. “Bloomberg” bildirir ki, dövlət qaydalarına riayət etmək məcburiyyətində qalan şirkətlər istehsalı asanlaşdırmaq üçün tez-tez ölkə daxilində dəyişikliklər həyata keçirməyi üstün tuturlar.

Abbottun qanun layihəsini imzalamaq üçün 20 gündən az vaxtı var və onun bunu edib-etməyəcəyi bəlli deyil.

Mətbuat katibi Endrü Mahaleris qanun layihəsi qubernatora göndərilməmişdən əvvəl “Bloomberg”ə, “Abbott, Texaslıların özləri və ailələri üçün sağlam qidalara çıxışı təmin etmək üçün qanunverici orqanla işləməyə davam edəcək və onun masasına göndərilən bütün qanunvericiliyi diqqətlə nəzərdən keçirəcək”, – deyib.

Qanun qəbul olunarsa, aşağıdakı hallarda dövlət tərəfindən təyin olunan etiketlərə ehtiyac qalmayacaq

– əgər ABŞ Ərzaq və Dərman İdarəsi və ya Kənd Təsərrüfatı Departamenti inqrediyentin təhlükəsiz olduğunu müəyyən edərsə,

– məhsulun istifadəsini məhdudlaşdırılarsa,

– sentyabrın 1-dən sonra qadağan edilərsə.

Qida və içki istehsalçıları və pərakəndə satış nəhəngi “Walmart” da daxil olmaqla sənaye qrupları və şirkətlər Texas qanunvericilərinə qanun layihəsinə “qəti şəkildə qarşı olduqlarını” bildirən məktub göndəriblər.

Sosial şəbəkələrdə yayılan məktubda deyilir: “Yazıldığı kimi, bu qanun layihəsindəki qidaların etiketlənməsi müddəası inanılmaz dərəcədə genişdir və gündəlik ərzaq məhsullarına xəbərdarlıq etiketlərinin Texas tənzimləyiciləri və ya ABŞ Qida və Dərman İdarəsi tərəfindən müəyyən edilmiş standartlara deyil, xarici hökumətlərin bu cür məhsulları qadağan etdiyi iddialarına əsaslanaraq yerləşdirilməsinə imkan verir”.

Məktubda xəbərdarlıq edilib ki, bu potensial dəyişiklik “müəssisələrin qiymətləri aşağı saxlamaq, inventar saxlamaq və işçi ixtisarları etməmək üçün mübarizə apardıqları bir vaxtda yerli və regional iqtisadiyyatlar üçün təhlükəli ola bilər bilər”.

Qanun layihəsinin qəbulu təkcə Texas qanunvericiləri üçün deyil, həm də qidada sintetik boyalar kimi müəyyən kimyəvi maddələrin açıq tənqidçisi olan Səhiyyə və İnsan Xidmətləri katibi Robert Kennedi üçün qələbə olardı. “Bloomberg”in məlumatına görə, Texas qanun layihəsinin tərəfdarları Kennedinin qanun layihəsini dəstəklədiyini iddia edirlər.

Nəşrin məlumatına görə, Texas nümayəndəsi Leysi Hull qanun layihəsi Nümayəndələr Palatasından keçən zaman Səhiyyə və İnsan Xidmətləri katibindən telefon zəngi aldığını iddia edib.