Dünən (28 avqust) Meksika Senatında ABŞ-ın kartellərə qarşı hərbi müdaxiləsi məsələsi üzərində müzakirə apararkən ciddi gərginlik yaşanıb. Müzakirələrdən sonra, müxalifət lideri Alexandro Moreno ilə Senatın sədri Cerardo Fernandez Norona arasında fiziki qarşıdurma baş verib. Görüntülərdə Morenonun Noronayı kürsüdə itələyib, ardınca onu boğazından tutaraq təhdid etdiyi və "Səni öldürəcəyəm" dediyi görünür. Norona bu hərəkətləri "ölüm təhdidi" olaraq qiymətləndirib və hadisə ilə bağlı hüquq-mühafizə orqanlarına müraciət edib .

Hadisə müxalifət partiyalarından olan PRI və PAN-ın ABŞ-ın müdaxiləsini dəstəklədikləri iddiaları üzərindəki gərginliyin nəticəsində baş verib. Hətta bir PAN senatoru “Fox News”da ABŞ-ın kartellərə qarşı köməyini tamamilə xoş gələn olaraq qiymətləndirmişdi. Bu mübahisələr ABŞ prezidenti Donald Trampın Latın Amerikasında kartelləri terror təşkilatı kimi tanıyaraq hərbi müdaxilə icazəsi verdiyi xəbərləri ilə daha da gərginləşib.

Senatın sədri Norona hadisə sonrası fövqəladə iclas çağıracağını və Moreno ilə yanaşı digər üç PRI senatorunun Senatdan xaric edilməsini təklif edəcəyini açıqlayıb. Moreno isə sosial mediada çıxış edərək, müxalifətin susdurulmağa çalışıldığını və fiziki hücumun ilk növbədə Norona tərəfindən edildiyini bildirib .

Bu hadisə, Meksikada xarici müdaxilə məsələsi üzərindəki siyasi gərginliyin və parlamentdəki qarşıdurmaların nə qədər yüksək səviyyəyə çatdığını göstərir.