Amerika ordusu dünyada ən unikal ordulardan biridir. Onların güclü olmasının səbəbi həyata keçirdikləri əməliyyatları lori dildə desək “100 dəfə ölçüb, 1 dəfə biçmək” prinsipinə əsaslanmalarıdır.

ABŞ ordusunun generaliteti gümanlarla hərbi əməliyyat keçirtmirlər.

Onlar, bütün planlaşdırmalarda hərbi nizamnamədən irəli gələn şərtlərə əməl etməklə yanaşı, əməliyyata başlamazdan əvvəl və gedişatında baş verə biləcək risk ehtimalı olunan hadisələrlə bağlı bütün suallara ən azı 3 variantda cavab tapmadan həmin əməliyyata imza atmırlar və başlamırlar.

Onların yanaşmasında avantüraya yer yoxdur. Tramp kimi avantürist biri ilə ABŞ ordusunda peşəkar hərbçiləri arasında uçurum var.

İranda ehtimal olunan adaya desant çıxarılması ilə bağlı müəyyən açıq suallar var:

1. Adaya desant haradan çıxarılacaq?

Körfəz ölkələrində yerləşən ABŞ bazaları İranın atəşi altındadır.

Xark adasına desant çıxartmaq və onların logistikasını təmin etmək üçün adaya ən yaxın ABŞ bazası Bəhreyndə yerləşən 5-ci donanmasının bazasıdır. Burdan adalara məsafə təxminən 300 km-dır. Müharibənin ilk günlərindən bu baza İranın atəşi altındadır.

2-ci ən yaxın baza Qatar yerləşən – Əl Udeyd Hava Bazasıdır. Helikopterlərlə desant çıxarılacaqsa, 18-ci diviziyanın cəmləşmə yeri bura ola bilər. Adalara burdan hava məsafəsi təxminən 400 km-dir. Bu bazanın özündə də cəmləşmə yaratmaq çox risklidir. İran bir zərbə ilə onları elə orda məhv edə bilər.

2. Adaya uğurlu desant çıxarıldığı halda, İran ərazisindən atəşə məruz qalan desantçılar necə qorunacaq?

3. Onları atəş altından çıxarmaq üçün adaya yaxın İran sahillərində 20 km dərinliyində bufer zona yaradılmalıdır. Bunu necə edəcəklərmi?

4. Adada qalacaq qüvvələrin 300-400 km-lik məsafədən logistikası və ehtimal olunan yaralıların vaxtında təxliyəsi necə təmin ediləcək?

Əməliyyatın gedişində yarana biləcək ekstremal şəraitlə bağlı bəzi sualların cavabı hələki yoxdur. Buna görə də ABŞ generalları siyasi hakimiyyətin avantüryasına baxmayaraq bu əməliyyatın aparılmasına razı deyillər.