Rusiya və ABŞ ilk dəfədir ki, bir ölkə uğrunda müharibə aparırlar. Suriya Prezidenti Bəşər Əsəd rəsmi olaraq 2015-ci ilin 30 sentyabrında terrorçu qruplara qarşı mübarizədə hərbi yardım üçün Rusiyadan kömək istədi.

Rusiya aviasiyası Suriyada yarım il ərzində 13000 hərbi uçuş edib. ABŞ və Rusiyanın hərbi yardım haqqında razılığına əsasən Rusiya İŞİD-ə qarşı mübarizəyə xidmət edirsə, Suriyaya daxil ola bilər. Martın 15-də Rusiya Federasiyasının Prezidenti Vladimir Putin Suriyadan əsas hərbi qüvvələrinin böyük bir hissəsini geri çağırdı. Lakin qalan təyyarələr havadan Suriyaya dəstək olmağa davam etdi. 

Rusiyanın müdaxiləsi nəticəsində Suriya hökuməti il ərzində müxalifətçilərə qarşı vuruşdu, hələ ki qələbə əldə olunmayıb. Bu müharibədə ən böyük nailiyyəti Suriya qazandı. O, Rusiyanın köməkliyi ilə Hələbin ərazisindən müxalifətin sıxışdırılmasına nail olmaq istəyir.

ABŞ və Rusiya Suriya ərazisində hərbi əməliyyatların dayandırılması haqqında imzalanan saziş 10 Sentyabrda başa çatdı. Sergey Lavrovun «yolverilməz təxribat» adlandırmasına baxmayaraq müqavilənin şərtlərini ilk pozan tərəf Rusiya oldu. Rusiya Suriya hərbi qüvvələri ilə birlikdə xəstəxanalara, mülki əhalinin yaşadığı ərazilərə hücum etdi və humanitar yardımın çatdırılmasına maneə yaratdı. Sentyabrın 19-da BMT və Suriya Qırmızı Aypara Cəmiyyətinin humanitar karvanına hücum təşkil edildi. Nəticədə 20 nəfər öldü və 18 yük maşını məhv edildi.

Öz növbəsində, Amerika Sentyabrın 21-də Deyr-Əz-zor vilayətində Suriya ordusuna hücum etdi. 60-dan çox adam həlak oldu, 100 nəfər yaralandı. Dörd gündən sonra, Amerika hücumun səhvən təşkil edildiyini bildirdi. Özünə «Suriya əsgərləri öz orijinal formasını geyməyib» açıqlaması ilə haqq qazandırmağa başladı. ABŞ hərbi qüvvələri 5 ildən artıqdır ki, Suriyadadır və onlar bu ərazinin hər bir millimetrinə bələd olmalıdırlar. Amerika belə hərbi səhvlə özünün və ordusunun qeyri-peşəkarlığını nümayiş etdirir?

Amerika Əsəd rejimini devirmək və Suriyanı Liviyanın gününə salmaq istəyir. Amerika Liviyada dövlət çevrilişi təşkil etməklə müxalifəti dəstəklədi. Amerikanın məqsəd İran və MDB ölkələrinə nəzarət etməkdir. Amerikanın maraqları Rusiyanın maraqları ilə üst-üstə düşür. 

Suriyada müharibəyə Rusiyanın xərclədiyi vəsait 58 milyard rubldan az deyil. Şübhəsiz ki, Rusiyanın itkiləri ABŞ itkiləri ilə heç bir müqayisəyə sığmır. Yalnız son iki ildə ABŞ Suriya və İraqa 14838 havadan zərbə endirib. Bundan başqa, Suriyada hərbi kampaniya Amerika vergi ödəyicilərinə 8.7 milyard dollara başa gəlir.

Görünür, bu Karib böhranından sonra ABŞ və Rusiyanın arasında ən böyük qarşıdurmadır. Bundan başqa, Amerika Suriyada kimyəvi silahdan istifadə edib. Suriyada birbaşa hərbi qüvvələrinin tətbiqi ilə «B planı»ndan istifadə təhlükə yaradır və bu da Rusiya ilə açıq qarşıdurma deməkdir. Bu da Üçüncü Dünya müharibəsinin başlanması demək deyil?