«Kimlərsə valyuta bazarında spekulyasiyalar edərək bir sıra ölkələrin, o cümlədən Türkiyənin iqtisadiyyatına təsir etməkdədir. İqtisadiyyatımıza valyuta bazarı üzərindən hücum edirlər. Bununla bağlı millətimə, xüsusilə də iş adamlarımıza müraciət etdim. Bilirəm ki, bəziləri bu çağırışımı istehza ilə qarşıladı». Modern.az saytı Türkiyə mediasına istinadən xəbər verir ki, bunu Türkiyə prezidenti Rəcəb Tayyib Ərdoğan bildirib.

Rəcəb Tayyib Ərdoğan daha sonra vurğulayıb ki, ortada 1994-cü ildən bəri yaşanılan həqiqət var: «Bir daha təkrar edirəm ki, valyuta spekulyasiyaları ilə kimlərsə iqtisadiyyatımıza mənfi təsir etməkdədir. Lakin bunun arxasında iqtisadi səbəb durmur. Məqsəd siyasi əməliyyatlara hazırlamaqdır. Bu cür spekulyasiyalara qonşu ölkələr, konkret desəm, Çin, Rusiya, Azərbaycan da məruz qalır. Amma biz bu oyunlara son qoyacağıq. Bunun üçün milli valyutaya inamı artırmalıyıq. İdxal-ixrac əməliyyatlarında milli valyutalardan istifadə olunmalıdır».