vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Əmin Rəsulzadə (1884 - 1955)

«İnsanlara hürriyət
Millətlərə istiqlal»

Məhəmməd Əmin Rəsulzadə (1884 - 1955)
BÖHRAN  
19:26 | 9 mart 2018 | Cümə Məqaləyə 3252 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Türkiyə ordusu Afrinə çatdı

«Zeytun budağı» əməliyyatında 159 yaşayış məntəqəsi terrorçulardan azad olundu

MÖVZU İLƏ ƏLAQƏLİ

Türkiyə Silahlı Qüvvələri (TSQ) Afrin rayon mərkəzinin sərhədlərinə çatıb. Bu barədə hərbi mənbələrə istinadən Türkiyə mətbuatı xəbər yayıb.

Türkiyə qoşunları Afrinə gedən yolda yerləşən Əl-Cəviz və Məlkiyyə yaşayış məntəqələrini də terrorçulardan azad edib.

Bu gün səhər saatlarında Türkiyə ordusunun Afrinin mərkəzinin 4 kilometrliyində qərarlaşdığı məlumat verilmişdi.

Qeyd edək ki, Türkiyənin Afrində həyata keçirdiyi «Zeytun budağı» əməliyyatı çərçivəsində 159 yaşayış məntəqəsi terrorçulardan azad edilib.

Ötən gün isə Türkiyə SQ «Zeytun budağı» əməliyyatı çərçivəsində Suriyanın Afrin bölgəsinin Cinderes qəsəbəsini tam azad edib.

Xatırladaq ki, yanvarın 20-də Türkiyə Silahlı Qüvvələri Suriyanın Afrin bölgəsində PYD və YPG terrorçularına qarşı əməliyyata başlayıb. «Zeytun budağı» adı altında keçirilən əməliyyatlara Türkiyə Hərbi Hava Qüvvələrinin «F-16» təyyarələri də cəlb olunub.