vaxtlı-vaxtında oxuyun! Çərşənbə, 21 avqust 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Mirzə Fətəli Axundzadə (1812 - 1878)

«Əsil əxlaqlı, xeyirxah adam bütün hərəkət və davranışlarını vətənpərvərliklə uyğunlaşdırar»

Mirzə Fətəli Axundzadə (1812 - 1878)
REGİON  
16:55 | 24 iyul 2019 | Çərşənbə Məqaləyə 538 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

PKK-nın “Pəncə-2” kabusu

Ərbil sui-qəsdi Bərzanini Türkiyəyə yaxınlaşdıracaq

Qurtuluş TAYİZ, (“Akşam”, Türkiyə)

MÖVZU İLƏ ƏLAQƏLİ

Türkiyənin Ərbildəki Baş konsulluğunun əməkdaşına qarşı təşkil edilən sui-qəsdin əsas icraçısı (Məzlum Dağ – tərc.), MİT-in də yardımı ilə, çox keçmədən yaxalandı. Onun terror təşkilatı PKK və HDP ilə əlaqələrinin olmasının müəyyən edilməsi bu sui-qəsdin üstünün açılmamış qalmasının qarşısını aldı. Təhlükəsizlik orqanları indi bu terror hücumunun şifrlərini çözməyə çalışırlar.

Bəs Ərbil sui-qəsdinin hədəfi nə idi?

PKK-nın Türkiyənin Ərbildəki Baş konsulluğunu hədəf seçməsinin iki önəmli səbəbi vardır.

Birincisi, “Pəncə-2” əməliyyatıdır. Türkiyə Silahlı Qüvvələri (TSQ) bölgədə həyata keçirdiyi hərbi əməliyyatla meydanı daraldaraq, Kandildəki mərkəzi küncə sıxışdırmaqla bərabər, təşkilatı hərəkət edə bilməz hala gətirdi. Gedişat Kandildəki mərkəzə həyəcan siqnalı verir.

İkinci səbəb, İraq Regional Kürd Administrasiyasının Türkiyə ilə əməkdaşlıq edərək, “Pəncə-2” əməliyyatına icazə verməsidir.

PKK üçün Suriyanın şimalı çox önəmlidir, lakin İraqın şimalı ondan da önəmli və öncəliklidir. Çünki PKK baxımından, Şimali İraq həm Türkiyə, həm də Suriya yönündə arxa cəbhə rolu oynayan, eyni zamanda qərargah mövqeyində olan bir sahədir. TSQ-nin “Pəncə-1” və “Pəncə-2” əməliyyatları ilə Şimali İraqda öz nəzarət sahəsini genişləndirməsi, PKK-nı Kandilə həbs etməsi terror təşkilatını çıxış yolu axtarmağa sövq edir. Çənbərin daraldığını hiss etdikcə də reaksiya verirlər. Ərbil sui-qəsdi bu reaksiyanın məhsuludur və TSQ-nin Kandilə doğru yürüşünü durdurmağı hədəfləyir.

Türk diplomatlarının hədəf alınması Ankara ilə əlaqələrini yaxşılaşdırma yolunda irəliləyən Bərzaniyə də bir mesajdır. Ərbil, Bərzani administrasiyasının bugünədək terrora bulaşmayan “təhlükəsiz şəhəri”, öyündüyü qərargah şəhəri idi. Ərbil eyni zamanda İraq Regional Kürd Administrasiyasının paytaxtıdır. PKK, Ankara ilə əməkdaşlığını davam etdirdiyi təqdirdə, terroru Bərzaninin qərargahına qədər yayacağını anlatmağa çalışır. Bu sui-qəsdin bir hədəfi Ankaradırsa, digər hədəfi də Bərzanidir.

“Müstəqillik referendumu” ilə gərginləşən Ankara-Ərbil münasibətləri bir müddətdir ki, yumşalmağa başlayıb. Bərzaninin “qəbul” üçün uzun müddət gözlədikdən sonra Prezident Ərdoğan tərəfindən qəbul edilməsi də bunun göstəricisidir.

İraq Regional Kürd Administrasiyasının TSQ-nin Şimali İraqdakı əməliyyatına şərait yaratması, dəstək verməsi bu yumşalmanın təməlini təşkil edir. Əgər Ərbil sui-qəsdinin üstü açılmasaydı, yaxşılaşma yolunda olan əlaqələr, şübhəsiz, zərər görəcəkdi. PKK öz aləmində Bərzani ilə Ankaranı qarşı-qarşıya gətirərək, “Pəncə-2” əməliyyatını pozmağa çalışır.

Lakin əks nəticə alındı. Belə ki, indi Ərbil sui-qəsdi bir tərəfdən Bərzanini Ankaraya daha çox yaxınlaşdıracaq, digər tərəfdən də Kandil üzərindəki təzyiqi daha da artıracaqdır.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *