vaxtlı-vaxtında oxuyun! Çərşənbə axşamı, 10 dekabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Mustafa Kamal Atatürk (1881 - 1938)

«Uca Türk, sənin üçün yüksəkliyin hüdudu yoxdur»

Mustafa Kamal Atatürk (1881 - 1938)
REGİON  
13:49 | 19 fevral 2019 | Çərşənbə axşamı Məqaləyə 405 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Prezidentin danışıqlarını dinləyirmiş

DTX rəhbəri Abdullayev işdən çıxarıldı və həbs olundu

MÖVZU İLƏ ƏLAQƏLİ

Özbəkistan Dövlət Təhlükəsizlik Xidmətinin rəhbəri vəzifəsindən bir neçə gün əvvəl uzaqlaşdırılmış İxtiyar Abdullayevin həbsi barədə xəbərlər yayılıb.

Keçmiş baş prokuror, uzun illər DTX-ya rəhbərlik etmiş və xüsusi qəddarlığı ilə ad çıxarmış Rüstəm İnayətovun yerinə təxminən bir il əvvəl təyin edilən Abdullayev həmin vəzifəni  bir neçə gün əvvəl tərk edib.

Əvvəlcə onun vəzifədən uzaqlaşdırılmasını səhhəti ilə izah ediblər. Belə ki, Abdullayev son bir ildə onurğasında və gözündə iki çətin əməliyyat keçirib. Lakin daha sonra xəbərlər yayılıb ki, Abdullayev vəzifəsindən uzaqlaşdırılandan üç gün sonra-fevralın 11-də həbs edilib və Daşkənd istintaq təcridxanasında saxlanılır. Onun barəsində 1 aylıq həbs qətimkan tədbiri seçilib. Abdullayevin korrupsiya ittihamı ilə saxlanıldığı bildirilir.

“Azadlıq” radiosunun özbək xidmətinin hökumətdəki mənbələri 53 yaşlı Abdullayevn saxlanıldığını təsdiq ediblər və Dövlət Təhlükəsizliyi Xidmətinin təcridxanasında saxlanıldığını deyiblər. DTX-dakı mənbə deyib ki, İxtiyar Abdullayev öz qohumu Əlişir Eşenxacayevin barəsində qaldırılmış cinayət işində fiqurantdır. Eşenxacayev DTX sədrinin müşaviri olub və fevralın 11-də həbs olunub.

Həm Eşenxacayevin, həm Abdullayevin həbsi DTX sədrinin birinci müavini Cahangir Yeqamovun ifadəsi əsasında baş tutub. Yeqamov özü də 2019-cu il fevralın 11-də tutulub.

Adının açıqlanmasını istəməyən DTX zabiti deyib ki, son altı ay ərzində İxtiyar Abdullayev ciddi şəkildə izlənilirdi. Bu izləmənin bir hissəsini Abdullayevin öz sürücüsü vasitəsilə həyata keçiriblər.

Abdullayevin həbs olunduğunu fevralın 12-də Daşkənddən jurnalist Aleksey Volosoviç də özünün AsiaTerra saytında xəbər verib.

Digər mənbə isə “Azadlıq” radiosuna deyib ki, Abdullayev çoxsaylı qohumlarının və DTX-nin bir sıra əməkdaşlarının həbsindən sonra vəzifədən çıxarılıb. O, hakimiyyətdən sui-istifadə, rüşvət alma, rüşvət vermə maddələri ilə ittiham olunur. Abdullayevin barəsində cinayət işi fevralın 8-də Özbəkistan Hərbi Prokurorluğu tərəfindən qaldırılıb.

Radio qeyd edir ki, bu il yanvarın 10-da prezident Şövkət Mirziyayev cinayətkarlığın qarşısının alınmasına dair videoselektor müşavirəsi zamanı güc strukturlarının rəhbərlərini hədələyib, tezliklə onların “ipini yığacağını” bildirib.

Hökumətə yaxın mənbənin dediyinə görə yanvarın 10-dan fevralın 11-nə qədər Özbəkistanda DTX-nin yüzə yaxın əməkdaşlarına qarşı cinayət işləri qaldırılıb və onlar həbs ediliblər.

Habelə mənbələr deyiblər ki, prezident DTX-nın onun və ailə üzvlərinin telefon danışıqlarını dinlədiyini, habelə onları izlədiyini biləndə Abdullayev Mirziyayevin qəzəbinə tuş gəlib. Lakin həmin məlumatı rəsmən təsdiq, yaxud təkzib etməyiblər.

Hökumətə yaxın mənbələrin bildirdiyinə görə Mirziyayev əvvəlcə xüsusi xidmət orqanlarındakı situasiyanı nəzarəti altına almaq üçün tədbirlər görüb. Fevralın 2-də o, kürəkəni Batır Tursunovu KQB sədrinin müavini təyin edib.

O da məlum olub ki, DTX-nin həbs edilən əməkdaşları mənimsəmədə və talançılıqda, hakimiyyət səlahiyyətlərindən sui-istifadə etməkdə, rüşvət almaqda ittiham edilirlər. Özbəkistan Baş prokurorluğu bu həbslərlə bağlı məlumat verməyib.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *