vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Şeyx Məhəmməd Xiyabani (1880 - 1920)

«Hər bir millətin ləyaqətinin ilkin şərti müstəqillikdir»

Şeyx Məhəmməd Xiyabani (1880 - 1920)
REGİON  
17:49 | 26 sentyabr 2022 | Bazar ertəsi Məqaləyə 1533 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Ermənistanı şoka salan “MİT əməliyyatı”

Türkiyə Cənubi Qafqazı da PKK-çılardan təmizləyəcək

Aqşin KƏRİMOV

MÖVZU İLƏ ƏLAQƏLİ

Ermənistanın iki PKK terrorçusunu (Atilla Çiçək və Hüseyn Yıldırım) Türkiyəyə verməsi ilə bağlı məlumatlar erməni ictimai-siyasi dairələrini və mediasını çalxalayır.

Ermənistan Milli Təhlükəsizlik Xidməti və Ədliyyə Nazirliyinin təkzibləri isə elə həmin iddianı dolayısı ilə doğrulayır.

Hər iki qurum terrorçuların ekstradisiyası faktını inkar etsə də, həmin PKK üzvlərinin Türkiyədə əliqandallı görünməsinin izahını vermir.

Ermənistan PKK döyüşçüləri üçün sığınacaq yeridir, Türkiyəyə qarşı fəaliyyət göstərən terrorçuların məskən saldığı oylaqlardan biri də Ermənistandır. Türkiyənin gözündə bu, regional təhlükəsizlik arxitekturasına hədədir.

Cənubi Qafqazda yaranan yeni reallıqlar, Ermənistanın Türkiyə ilə yaxınlaşmaq arzuları fonunda həmin terrorçuları İrəvanın təhvil verdiyi həqiqətə bənzəyir.

Türkiyə isə reallıqların açdığı fürsətlər pəncərəsini peşəkarlıqla aralayır, onun Suriyada, İraqda PKK-ya qarşı keçirdiyi əməliyyatları digər regionlardakı əməliyyatlar da müşayiət edir.

Ankara PKK-çıların səfər marşrutunu diqqətlə izləyir, Milli Kəşfiyyat Təşkilatının (MİT) inadkar səyləri ilə terrorçuların “qaymaq”ları zərərsizləşdirilir.

Türkiyə Cənubi Qafqaz regionunda “ehtiyatda dayanan” və ya gizlənən terrorçuları da ram etməkdə prinsipialdır, yəqin ki, Ermənistan üzərində yaradılan təzyiqlər dalğasını özü üçün əlverişli şərait kimi nəzərdən keçirir.

İkincisi, ehtimal edək ki, Ermənistan PKK-çıları təhvil verməyib, lakin bunun özü də MİT-in əməliyyat keçirməsinə maneə yaradan amil deyil.

Çünki MİT ən mürəkkəb şəraitlərdə və çətin relyeflərdə belə əməliyyatlar keçirmək qabiliyyətinə malikdir və bu potensialını hər keçən gün yüksək səviyyədə inkişaf etdirir.

Yəni Ermənistan hakimiyyəti Türkiyə ilə sövdələşməyə getməsə belə, Ankara ondan istədiyini qoparmaq gücündədir.

Görünür ki, Türkiyə antiterror siyasətinin miqyasını praktiki şəkildə Cənubi Qafqaza da nüfuz etdirir.

Gələcəkdə Ermənistanın PKK-ya himayədar durmaq siyasəti də iflasa uğrayacaq, çünki Ermənistan indi Türkiyənin münbit kəşfiyyat nəzarəti altındadır.

Türkiyənin İsraillə yaxınlaşması da onun gizli əməliyyatlarına yardımçı funksiya yükləyir və Ankara bu əməkdaşlığı davam etdirəcək.

Ermənistanın iki  terrorçunu Ermənistana təhvil verməsi xəbəri, ən azından, PKK liderləri və onları himayə edənlər üçün bir testdir.

Artıq onların da Ermənistana etibarı qalmır və İrəvan daha bir nəfəsliyini itirir.