vaxtlı-vaxtında oxuyun! Bazar ertəsi, 4 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Nəriman Nərimanov (1870 - 1925)

«Siz ata-babalarınızın müqəddəs yerlərinə o vaxt VƏTƏN deyə bilərsiniz ki, onun sahibi olasınız»

Nəriman Nərimanov (1870 - 1925)
DÜNYA  
00:12 | 16 noyabr 2022 | Çərşənbə Məqaləyə 638 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İsrail parlamenti and içdi

Knessetin 8 deputatı müsəlmandır

MÖVZU İLƏ ƏLAQƏLİ

Bu il noyabrın 1-də keçirilmiş növbədənkənar seçkilər nəticəsində formalaşan 25-ci çağırış İsrail parlamentinin deputatları Qüdsdə and içiblər. Təntənəli mərasimin əvvəlində deputatlar ölkə prezidenti İshaak Hersoqun çıxışını dinləyiblər.

Yeni Knessetdə 29 qadın, 18 ultra-pravoslav icma nümayəndəsi, 8 rusdilli deputat, 8 müsəlman, 1 xristian və bir druz yer alıb.

Pandemiyadan sonra ilk dəfə olaraq deputatlar heç bir məhdudlaşdırıcı tədbir görülmədən tam tərkibdə təntənəli iclasa toplaşıblar. Andiçmə zamanı bütün deputatlar adları ilə sadalanıb və hər biri dövlətə sadiq qalacaqlarını və Knessetdə öz vəzifələrini yerinə yetirəcəklərini vəd ediblər.

Noyabrın 1-də Knessetə növbədənkənar seçkilər keçirilib və bu, üç il yarım ərzində ardıcıl beşinci seçki olub. Noyabrın 3-də İsrail Mərkəzi Seçki Komissiyası Knessetə seçkilərdə yığılan səslərin hesablanmasının başa çatdığını elan edib və nəticədə sabiq baş nazir Benyamin Netanyahunun bloku 64 səslə parlament çoxluğunu qazanıb.

Keçən bazar günü prezident yeni Knesset partiyalarının nümayəndələri ilə üç günlük məsləhətləşmələrdən sonra yeni hökumətin qurulması tapşırığını "Likud" lideri Benyamin Netanyahuya həvalə edib. İsrail qanunu koalisiya danışıqları və yeni nazirlər kabinetinin formalaşdırılması üçün 28 gün vaxt ayırır, lazım gələrsə, daha 14 gün əlavə oluna bilər.

İsrailin 2019-2022-ci il seçki seriyasına qalib partiyaların sabit parlament çoxluğuna əsaslanan həyat qabiliyyətli hökumət yarada bilməməsi səbəb olub. Netanyahu blokunun 64 mandat aldığı 25-ci Knesset seçkilərindən sonra ölkədə uzun sürən siyasi böhranın aradan qaldırılacağı güman olunur.