vaxtlı-vaxtında oxuyun! Bazar, 3 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Babək Xürrəmi (798 - 838)

«Əgər qılınc pas atıbsa, deməli sahibi ölübdür»

Babək Xürrəmi (798 - 838)
ASİYA  
09:25 | 29 noyabr 2022 | Çərşənbə axşamı Məqaləyə 620 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Çində etirazlar şiddətlənir

İzdihama qalxan xalq karantin çadırlarını və test götürülmə kabinetlərini dağıdıb

XALİDƏ

MÖVZU İLƏ ƏLAQƏLİ

Sincan-Uyğur Muxtar Bölgəsinin paytaxtı Urumçidə karantində olduğu bildirilən binada baş verən yanğın nəticəsində 10 nəfərin ölməsi etirazların artmasına səbəb olub. Çində hökumətin “sıfır COVİD-19” strategiyası və üsulları görünməmiş ictimai reaksiya yaradıb və bu böyük şəhərlərə yayılan etiraz nümayişləri ilə davam edir. 2020-ci ilin əvvəlindən başlayan strategiya sürətli əlaqə izləmə, tez-tez testdən keçirilmə, uzunmüddətli karantin və küçələrin dezinfeksiya edilməsi kimi təcrübələrdən ibarətdir.

Bazar günü Şanxay, Pekin, Çenqdu, Uhan və Quançjou kimi şəhərlərdə etiraz aksiyaları keçirilib. Üçüncü gün etirazlar daha çox şəhərə yayıldığı üçün Şanxayda yüzlərlə etirazçı ilə polis arasında toqquşma baş verib.

BBC müxbiri Edvard Lourensin Şanxaydakı toqquşmalar zamanı polis tərəfindən döyülərək saxlanıldığı bildirilir. Çin Xarici İşlər Nazirliyi sonradan azadlığa buraxılan jurnalistin həbsdə olarkən döyülməsi ilə bağlı iddiaları təkzib edib. Böyük Britaniya hökuməti də jurnalistin başına gələnləri pisləyib.

COVİD-19 epidemiyasının sıfır nöqtəsi olan Uhanda etirazçılar karantin çadırlarını və test götürülmə kabinetlərini dağıdıb.

Böyük ictimai etirazdan sonra Çin dövlət televiziyası Dünya Çempionatının yayımı zamanı maskasız azarkeşlərlə bağlı olub. BBC-nin müxbiri Stephen Makdonell, “Twitter” hesabındakı paylaşımında, Çin Mərkəzi Televiziyasında (CCTV) maskasız fanatların yaxından çəkilişlərinin efirdən çıxarıldığını və yalnız izdihamlı yerlərin göstərildiyini söyləyib.

Etirazlar böyük şəhərlərə yayıldıqca nümayişçilər ilk dəfə prezident Si Tsinpinin və hakim Kommunist Partiyasını istefaya çağırıblar. Nümayişçilər əllərində “boş ağ pankartlar” daşıyarkən, bəziləri noyabrın 24-də Urumçidə baş verən yanğında həyatını itirənlərin xatirəsini şam yandıraraq yad ediblər. Boş ağ vərəqlərin 2020-ci ildə Honq-Konqda milli təhlükəsizlik qanununa qarşı keçirilən etirazlarda da görüldüyü, bunun mənasının isə rəhbərliyin şüar və pankartlara qadağa qoyduğu vurğulandığı ifadə edildi. Fəallar deyirlər ki, boş ağ vərəqlər “deyilməyənləri təmsil edir”.

Çində son 24 saat ərzində 40 min 347 yeni yoluxma aşkar edilib. Bununla da gündəlik yoluxmaların sayı ölkədə ilk dəfə olaraq 40 minin üzərində rekord qırıb. Lakin ölkədəki etiraz nümayişləri əsnasında elan edilən məlumatların nə dərəcədə əsaslı olması ilə bağlı suallar yaranır. Çinlilər pandemiya ilə bağlı xəbərlərin şişirdildiyini düşünürlər.