vaxtlı-vaxtında oxuyun! Çərşənbə, 8 fevral 2023
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Fikir müxtəlifliyi təbii hadisədir. Hamı bir boyda ola bilmədiyi kimi, eyni fikirdə də ola bilməz»

Heydər Əliyev (1923 - 2003)
ASİYA  
13:46 | 1 dekabr 2022 | Cümə axşamı Məqaləyə 328 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Hökumət geri addım atdı

Çində baş verən etiraz aksiyalarının görünməmiş miqyası pandemiya yumşalmalarına səbəb oldu

XALİDƏ

MÖVZU İLƏ ƏLAQƏLİ

Son illərin ən böyük hökumət əleyhinə etirazlarına səhnə olan Çində başlayan aksiyalardan sonra ölkə rəhbərliyi böyük reaksiyaya səbəb olan “Sıfır COVİD” siyasətində geri addım atmağa başladı.

Aylardır davam edən COVİD qadağalarına qarşı başlayan etiraz hərəkatı da dünya gündəminin başında idi. Bu yaxınlarda yoluxma sayının rekord qırdıqdan sonra hökumət yenidən çox sərt qadağalar tətbiq etdi. Amma Sincanda bir binada baş verən yanğında 10 nəfərin həyatını itirməsindən sonra ölkədə nadir hallarda görülən böyük etiraz dalğası ilə üzləşdi.

Prezident Si Tsinping vəzifəyə gəldikdən bəri 10 il ərzində ən böyük miqyaslı etirazlarüzləşən Çin administrasiyası “Sıfır COVİD” siyasətində geri addım atmağa qərar verdi. Çin Baş nazirinin müavini Sun Çunlan “Omicron” ştammının daha az yoluxucu olduğunu bildirib və ölkənin “COVİD-19”la mübarizədə yeni mərhələyə qədəm qoyduğunu bildirib. Sağlamlıq rəsmiləri ilə keçirdiyi görüşdə Sun, peyvənd səyləri sayəsində koronavirusla mübarizədə əhəmiyyətli irəliləyiş əldə etdiklərini söylədi.

Bir çox məmurların dünənki çıxışlarında bu günə qədər danışdıqlarında “Sıfır COVİD”i kəlməsini tələffüz etməmələri diqqət çəkib.

Bu arada, Çinin maliyyə mərkəzi Şanxay da daxil olmaqla, bir çox yerdə yoluxma sayına baxmayaraq, sərt karantin tətbiqinin qaldırıldığı və ya yumşaldıldığı xəbəri də mətbuatda öz əksini tapdı.

Çində dünən 36 061 yeni yoluxma aşkarlanıb. Digər tərəfdən, dövlət mətbuatında sərt ritorikanın daha mötədil ifadələrlə əvəzlənməsi bir çoxları tərəfindən “Hakimiyyət etirazlara qulaq asdı” kimi şərh edilib.