vaxtlı-vaxtında oxuyun! Çərşənbə, 24 iyul 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Vətənpərvərlik insanın daxilindəki duyğulardır. Əgər bunlar yoxdrusa, o insan mənəviyyatsızdır»

Heydər Əliyev (1923 - 2003)
AVROPA  
20:14 | 8 dekabr 2022 | Cümə axşamı Məqaləyə 1170 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Bolqarıstandan Aİ-yə etiraz

Rəsmi Sofiyanın Şengen zonasına daxil olmaqdan imtina edilməsinə reaksiyası sərt oldu

MURAD

MÖVZU İLƏ ƏLAQƏLİ

Bolqarıstan administrasiyası ölkəsinin Şengen zonasına daxil olmasından imtina edən Avropa İttifaqına (Aİ) etiraz edib. Prezident Rumen Radev bəyan edib ki, 2011-ci ildən Bolqarıstan Şengen zonasına daxil olmaq üçün bütün zəruri meyarları yerinə yetirib.

Ölkəsinin Şengen zonasına daxil olmasının Aİ sərhədini təhlükəsiz hala gətirəcəyini qeyd edən Radev, “Şengenə qoşulmağımız Avropa İttifaqının xarici sərhədlərini daha dinc edəcək”, – deyib.

Son iki ayda Bolqarıstanın xarici sərhədlərinin iki dəfə yoxlanıldığını bildirən Radev, bu yoxlamalar zamanı heç bir problemin aşkar edilmədiyini və buna baxmayaraq rədd qərarının qəbuledilməz olduğunu qeyd edib.

Radev vetoya səs verən Hollandiya və Avstriyanın öz maraqlarına zidd getməmələri lazım olduğunu və bir gün Şengenə qoşulacaqlarına ümid etdiklərini bildirib.

Bolqarıstanın daxili işlər naziri İvan Semerciev də ölkəsinin Şengen zonasından çıxarılmasına reaksiya verib.

AB ölkələrinin əksəriyyətinin Bolqarıstanı dəstəklədiyini, Hollandiya və Avstriyanın isə buna qarşı olduğunu xatırladan Semerciev, “Biz səylərimizi davam etdirəcəyik. Yalnız iki ölkə buna qarşıdır. Aİ Şurasına sədrlik edəcək İsveçlə sıx əməkdaşlıq edəcəyik”, – deyib.

Avropa Şurasının daxili işlər və ədliyyə nazirlərinin iclasında Bolqarıstanın Şengen zonasına qoşulması ilə bağlı qərar Hollandiya və Avstriyanın vetosu ilə rədd edilib.