![](img/left_arrow.jpg)
![](img/right_arrow.jpg)
Meksika Hərbi Dəniz Qüvvələri Sakit Okeanda 2 əməliyyat həyata keçirib
Meksika ilə ABŞ və Kanada arasında diplomatik skandal
Sakit okeanda həyəcan təbili
Meksika prokurorluğu narkotik kartelinin 11 üzvünə maksimum cəza verdi
Nəhəng lövhədəki qədim yazılar Maya tarixində bir boşluğu doldurur
Tərkibində metamfetamin olan konfet payladılar
Xoakin Qusman Lopes bir daşla iki quş vurub; Meksika kartelini silkələyən əməliyyatın təfərrüatları
İldə 100 min amerikalının ölümünə səbəb olan “fentanil”in yaradıcıları ittihamları rədd edir
Yüzlərlə immiqrant seçkiyə qədər ölkəyə daxil olacağına ümid edir
15 metr olan qədim piramida, su çəni və artefaktlar aşkar olunub
Məclisdəki 80 nəfər eyni anda yerə yıxılıb
Bələdiyyə sədrliyinə namizəd sui-qəsd nəticəsində öldürülüb
Almaniya marixuananı leqallaşdırır
Meksikada avtobus dərəyə düşdü
Respublikaçı liderdən Ukraynaya yardımla bağlı mesaj
Güc strukturları quldur dəstələrinə qarşı birgə hərəkətə keçib
ABŞ Ədliyyə Nazirliyi Meksika narkokartellərindən “El Mayo” ləqəbli İsmael Zambada Qarsiya və “El Çapo” kimi tanınan Xoakin Quzmanın oğlu Xoakin Quzman Lopezin Texasda həbs olunduğunu açıqlayıb.
Dünyanın ən böyük narkobaronlarından biri və Meksikanın kartellərindən “Sinaola”nın lideri 76 yaşlı Zambada və 38 yaşlı Xoakin Qusman Lopezi ABŞ federal təhlükəsizlik qüvvələri tərəfindən El Paso şəhərində yaxalanıb. Təşkilatının digər qurucusu “El Çapo” Quzman hazırda ABŞ-da həbsdədir.
Zambada fevral ayında ABŞ prokurorları tərəfindən Fentanil (Fentanyl) istehsalı və yayılması üçün plan qurmaqda ittiham edilib. Fentanil heroindən daha güclü narkotikdir və ABŞ-da opioid epidemiyasının səbəbkarı kimi bilinir.
ABŞ-ın baş prokuroru Merrik Qarland verdiyi yazılı açıqlamada ikilinin “dünyanın ən güclü narkotik təşkilatlarından birinə rəhbərlik etdiklərini”, – bildirib.
““El Mayo” və Quzman Lopez Ədliyyə Departamentinin ABŞ-da cinayət məsuliyyəti daşıyan Sinaola kartelinin liderləri və tərəfdaşlarının həbs edilənləri siyahısına əlavə edilib”, – deyə Garland bildirib.
“Fentanil ölkəmizin üzləşdiyi ən ölümcül narkotik təhlükəsidir. Ədliyyə Departamenti cəmiyyətlərimizin zəhərlənməsinə görə məsuliyyət daşıyan hər bir kartel lideri, üzvü və ortağı məsuliyyətə cəlb olunmayana qədər dayanmayacaq”, - bəyanatda deyilir.
Amerika prokurorları “Sinaola” kartelinin ABŞ-a ən böyük narkotik tədarükçülərindən biri olduğunu deyirlər. ABŞ rəsmiləri Zambadanın ələ keçirilməsinə görə 15 milyon, Quzman Lopesə görə isə 5 milyon dollar mükafat təyin etmişdi.
2019-cu ildə “El Chapo” Guzmanın məhkəməsi zamanı vəkilləri Zambadanı təqib qorxusu olmadan yaşamaq üçün “bütün Meksika hökumətinə” rüşvət verməkdə günahlandırdılar.
ABŞ Dövlət Departamentinin məlumatına görə, Zambada Meksikada bir neçə hüquqi biznesə də malikdir. Bunlara “böyük süd şirkəti, avtobus xətti, hotelçilik və müxtəlif mülklər” daxildir.
ABŞ səlahiyyətlilərinə görə, Sinaloa Karteli dünyanın 50-dən çox ölkəsinə narkotik qaçaqmalçılıq yolu ilə gəlir edən və Meksikada iki ən güclü mütəşəkkil cinayətkar qrupdan biridir.
“Fentanil” ittihamı ilə yanaşı, Zambada narko-ticarət, qətl, adam oğurluğu, çirkli pulların yuyulması və mütəşəkkil cinayətlərdə də ittiham olunur.
May ayında Zambadanın ABŞ-da da axtarışda olan qardaşı oğlu Eliseo Imperial Castro Meksikada atışma zamanı öldürülüb.