![](img/left_arrow.jpg)
![](img/right_arrow.jpg)
ABŞ beş hərbçi və bir mülki şəxs haqqında iddia qaldırıb, onlar haqqında məlumata mükafat təyin edib
Ərinmiş metal qarşısına çıxan hər şeyi məhv edir
Soyuq qış aylarında Ukraynanın təcili ehtiyacları danışıqlarda gündəm olub
İran Rusiyanı maraqlarını təhdid etməkdə ittiham edir
Bir gecədə 67 uzaqmənzilli uçuş aparatı qeydə alınıb
AB-dən Ukraynaya 40 milyon avroluq humanitar yardım
NATO-nun baş katib: “Rusiyaya dəstəyi dayandırın”
Vladimir Zelenski 3 ilə yaxındır bütün toplantılarda eyni sözü deyir
50 ölkə Ukraynanın müdafiəsilə bağlı Almaniyada görüşür
Rumıniya Ukraynaya hava hücumundan müdafiə sistemi bağışladı
Ukrayna hökumətində genişmiqyaslı dəyişikliklər edilib
Almaniya kansleri Şolz Rusiyanın silahlanmasını tənqid edib
ABŞ Rusiyanı prezident seçkilərinə müdaxilə etməkdə ittiham edir
Rusiyada avtomobil satışı pik həddinə çatıb
Zəngəzur dəhlizi Moskva-Tehran müttəfiqliyini pozur
Ukraynanın xarici işlər naziri istefa məktubunu parlamentə təqdim edib
Rumıniyaya düşən Rusiya pilotsuz uçuş aparatlarından (PUA) birinin qalıqları Ukrayna müharibəsi səbəbindən bölgədəki gərginliyi daha da artırıb.
Rumıniya Müdafiə Nazirliyinin cümə axşamı verdiyi açıqlamada, ölkəsinin ərazisində Ukraynaya hücumlar zamanı Rusiyanın atdığı PUA-lardan birinin qalıqlarının tapıldığı bildirilib. Hərbçilər Ukrayna ilə sərhəddəki Plauru kəndindən İran istehsalı olan PUA-nın hissələrini toplayıblar.
***
Rumıniya rəsmiləri dağıntıların iyulun 24-dən 25-nə keçən gecə Rusiyanın Ukraynaya hücumunda istifadə etdiyi PUA-ya aid olduğunu iddia edib.
Nazirlik iddia edib ki, pilotsuz uçuş aparatı İran istehsalı olan və rusca “Geran-2” kimi tanınan “HESA Shahid-136” model pilotsuz uçuş aparatı olub.
Bildirilib ki, aparatın qalıqları Ukraynanın cənubundakı İzmail liman şəhərindən Dunay çayının o tayında yerləşən Plauru kəndində aşkar edilib.
Rəsmilər parçaların yaşayış məntəqələrindən kənara düşdüyünü və infrastruktura heç bir ziyanın olmadığını bildirib.
Digər dron hissələrinin də yaxın əraziyə düşə biləcəyi üçün axtarışların davam etdiyi bildirilib.
Nazirlik həmçinin bildirib ki, NATO-nun Rumıniyadakı hava nəzarət bölməsinə daxil olan iki “Finlandiya F-18” döyüş təyyarəsi hücum bölgəsini araşdırmaq üçün gecə patrul edir.
Digər tərəfdən Ukrayna Hərbi Hava Qüvvələrindən verilən açıqlamada Rusiyanın 25 iyul gecəsi 38 uzaq mənzilli PUA ilə hücuma keçdiyi və bunlardan 25-nin müdafiə sistemləri ilə vurulduğu iddia edilib. Bununla belə, NATO üzvü Rumıniyanın hava məkanında 3 pilotsuz təyyarənin “itdiyi” iddia edilib.
***
NATO-nun verdiyi açıqlamada Rumıniyaya qarşı qəsdən hücum təşkil etdiyinə dair heç bir dəlil olmadığı ifadə edilərək, “Bu cür hərəkətlər məsuliyyətsizdir və potensial təhlükəlidir”, – deyilib.
Rumıniyanın xarici işlər naziri Luminita Odobesku öz “X” sosial platformasındakı hesabında Rusiyanın Ukraynaya “çirkin hücumlarından” sonra Rumıniya ərazisində dron qalıqlarının tapıldığını yazıb.
Rumıniya Müdafiə Nazirliyi Ukraynaya edilən hücumları pisləyib.
Bundan əlavə, Rumıniya Xarici İşlər Nazirliyi Rusiyanın müvəqqəti işlər vəkilini çağıraraq insidentlə bağlı Kremlə reaksiya verib.
İddialarla bağlı Moskvadan hələlik heç bir açıqlama verilməyib. Rusiya Müdafiə Nazirliyinin çərşənbə günü verdiyi açıqlamada Ukraynanın adı açıqlanmayan limanında PUA-lara qarşı hücumun təşkil edildiyi açıqlanıb.
Rusiya dövlət kanalı “Rossiya-1”Ukraynanın Rumıniya ilə sərhədinə yaxın olan İzmail limanında gəmiqayırma zavodu və yanacaq anbarının vurulduğu barədə məlumat yayıb.
***
Ötən il də Rusiyanın dronlarının dağıntıları Rumıniya ərazisinə düşmüşdü. Rumıniya Müdafiə Nazirliyi sentyabrın 6-da verdiyi açıqlamada, İzmail şəhəri ilə üzbəüz Plauru kəndindən 3 kilometr qərbdə PUA-nın qəzaya uğraması nəticəsində çuxur yarandığı bildirilmişdi.
Buxarest administrasiyası oktyabr ayında Rusiya ordusuna məxsus pilotsuz təyyarənin qalıqlarının tapıldığını açıqlamışdı.
Rumıniya prezidenti Klaus Verner İohannis insidentləri “Rumıniyanın suveren hava məkanının tamamilə qəbuledilməz pozulması” kimi qiymətləndirib.
NATO-nun baş katibi Yens Stoltenberq də Rumıniya səmasını izləyən təyyarələrin sayının artırıldığını, lakin hadisələrdə “qəsdən hücuma dair heç bir dəlil olmadığını” bildirib.