Texnologiya milyarderi İlon Mask yaxın 10 ildə insanların beyninə milyonlarla “Neuralink” çipini yerləşdirməyə ümid etdiyini bildirib.

“Neuralink”in baş direktoru, beyin-kompüter interfeysinin yeni imkanlarını ortaya qoyan neyrotexnologiya startapının yeniləməsindən sonra planlarını açıqladı.

Şirkətdən verilən məlumata görə, cihazdan istifadə edən şəxs atıcı oyunları oynamaq və üç ölçülü obyektlər dizayn edə bilib.

Mask “Neuralink”in bloq yazısına cavab olaraq “X”də yazıb: “Hər şey yaxşı olarsa, bir neçə ildən sonra “Neuralink”li yüzlərlə, 5 ildən sonra bəlkə on minlərlə, 10 ildən sonra milyonlarla insan olacaq”.

“Neuralink” bildirib ki, texnologiyanın insan üzərində ilk tədqiqinin ən son iştirakçısı öz düşüncələrindən istifadə edərək, kompüter dəstəkli dizayn (CAD) proqramı ilə 3D obyektlər yaratmaq kimi yeni vəzifələri yerinə yetirə bilib.

Beyin-kompüter interfeysindən istifadə edərək iştirakçı “Neuralink” şarj cihazı üçün xüsusi montaj dizaynını hazırlaya və çap edə bilib. Onun əvvəllər istifadə etdiyi köməkçi texnologiyalarla bu proses mümkün deyildi.

Həmin şəxs video oyununu da oynaya bilib.

"Sadəcə ətrafda qaçmaq əyləncəlidir, çünki mən sağa və sola baxa bilirəm”, – iştirakçı deyib.

“Hara baxacağımı bilirəm və getmək istədiyim yerə gedir. Bu dəlilikdir”.

“Prime” adlı araşdırmanın diqqəti quadriplegiya xəstələrinə yönəltsə də, Mask texnologiyanın bir gün insanlara beyin və bədən performansını yaxşılaşdırmaq üçün süni intellektlə birləşdirməyə imkan verəcəyini iddia edir.

Maskın sözlərinə görə, mümkün tətbiqlər arasında musiqinin birbaşa beyinə ötürülməsi və işıq spektrinin yeni hissələrini görmək üçün görmə qabiliyyətinin yaxşılaşdırılması daxildir. Lakin bəzi nevroloqlar iddia edirlər ki, bu cür imkanlar onilliklər uzaqdadır və hakerlik və kiberhücum riskləri yaradır.

“Neuralink” bildirib ki, hazırda insan sınaqlarında istifadə edilən beyin implantlarına qabaqcıl funksionallıq əlavə etməyi və daha sürətli mətn daxil etməyə imkan verən əlyazma niyyətini tanıya bilən yeni alqoritmlər inkişaf etdirməyi planlaşdırır.

“Bu imkanlar təkcə əzalarından istifadəni itirənlər üçün rəqəmsal sərbəstliyin bərpasına kömək etməyəcək, həm də danışa bilməyənlər üçün, məsələn, amiotrofik lateral skleroz (ALS) daxil olmaqla nevroloji xəstəlikləri olan insanlar üçün ünsiyyət qurmaq qabiliyyətini bərpa edəcək”, - “Neuralink” bildirib.

Biz həmçinin fiziki dünya ilə qarşılıqlı əlaqəsini aktivləşdirməyi planlaşdırırıq ki, bu da istifadəçilərə robot qolu və ya əlil arabasını idarə etməklə özlərini qidalandırmaq və daha müstəqil hərəkət etmək imkanı verir.