İsrailin Livana sızaraq peycerləri partlatması nəticəsində çoxlu sayda insanın yaralandığı bildirilib. Livanda “Hizbullah” ünsürlərinin istifadə etdiyi peycerlərin partlaması nəticəsində biri uşaq olmaqla 11 nəfərin həyatını itirdiyi, 200-ü ağır olmaqla 4000-ə yaxın adamın yaralandığı açıqlanıb (rəqəmlər dəyişə bilər).

Livanın rəsmi agentliyi NNA-nın məlumatına görə, Beyrutun cənub ətraflarında və Livanın bir çox bölgəsində görünməmiş bir düşmən təhlükəsizlik hadisəsi yaşanıb. Peycer sistemləri yüksək texnologiya ilə partladılıb və çox sayda yaralı olduğu və yaralıların xəstəxanalara çatdırıldığı bildirilib.

Livanda bəzi peycerlərin sahibləri onları taxarkən partladığı anlar sosial mediada əks olunub.

Kadrlarda cihazların siqnal verərkən sahibləri tərəfindən əllərinə alındığı və bu zaman partladığı görünür.

Yaralananların çoxunun “Hizbullah” terror təşkilatının üzvləri olduğu qeyd edilib.

İsrail-Livan sərhədində 2023-cü il oktyabrın 8-dən bu yana davam edən qarşıdurmalarda son günlər gərginliyin artdığı müşahidə edilib.

***

Livanın səhiyyə naziri Firas əl-Ebyad, xəsarətlərin çoxunun “əl və ya qarın bölgəsində meydana gəldiyinə” diqqət çəkərək, yaralılardan 200-nün vəziyyətinin ağır olduğunu bildirib.

İsrail-Livan sərhədində 2023-cü il oktyabrın 8-dən bu yana davam edən qarşıdurmalarda son günlər gərginliyin artdığı müşahidə edilib.

İsrailin Livana sızaraq peycerləri partlatmasından sonra gərginliyin artması səbəbindən İsrailin yüksək rütbəli təhlükəsizlik rəsmiləri “fövqəladə iclas”a çağırılıb.

“Haaretz” qəzetindəki xəbərdə İsrail hökumətinin Livandakı partlayışlardan sonra “təcili toplantı” tələb etdiyi bildirilib. Bununla bağlı yüksək rütbəli təhlükəsizlik məmurlarının dövlət rəsmiləri ilə “təcili görüşə” çağırıldığı bildirilib.

Qeyd olunub ki, Tel-Əvivdə keçiriləcək toplantıda İsrailin Livana sızaraq peycerləri partlatmasından sonra artan gərginlik və “Hizbullah”ın mümkün cavab tədbirləri müzakirə olunacaq.

Digər tərəfdən İsrailin rəsmi televiziyası KAN, baş nazir Binyamin Netanyahu və müdafiə naziri Yoav Qallantın İsrail ordusunun Tel-Əvivdəki qərargahında bəzi yüksək səviyyəli təhlükəsizlik rəsmiləri ilə görüşdüyünü bildirib.

Netanyahunun ofisi nazirlərə “danışmayın” xəbərdarlığı etdi

Livandakı hücumlarla bağlı İsrail rəsmilərinin susması diqqət çəkir. KAN-dakı xəbərdə, baş nazirliyin İsrail nazirlərinə Livandakı partlayışlarla bağlı açıqlama verməmələri barədə xəbərdarlıq etdiyi bildirilib.

***

Livan hökuməti bir çox insanın ölümünə və yaralanmasına səbəb olan peycerlərin partlamasını pisləyib və bunun “İsrailin cinayəti və milli suverenliyin pozulması” olduğunu bəyan edib.

Livan hökumətindən verilən açıqlamada “İsrailin qanlı hücumunun Livanın suverenliyinin ciddi şəkildə pozulması və hər mənada cinayət olduğu” vurğulanıb.

Bəyanatda deyilir ki, Livan hökuməti “dərhal müvafiq ölkələr və Birləşmiş Millətlər Təşkilatı ilə bütün əlaqələri qurub, onlardan bu davam edən cinayətə görə məsuliyyəti öz üzərinə götürməyi tələb edib”.

***

Livan Xarici İşlər Nazirliyindən verilən açıqlamada, “İsrailin Livanın bir çox bölgəsində çox sayda peycerin partlamasına səbəb olan kiber hücumu ən sərt şəkildə pislənilib”.

Bəyanatda “İsrailin Livana qarşı müharibəni genişləndirmək təhdidləri”nə diqqət çəkilərək, İsrailin gərginliyi “təhlükəli və düşünülmüş şəkildə” artırdığı vurğulanıb.

Açıqlamada, Nazirlər Şurası ilə məsləhətləşmələrdən sonra “hücumla bağlı məlumatlar tamamlanan kimi Birləşmiş Millətlər Təşkilatı Təhlükəsizlik Şurasına (BMT TŞ) şikayət etmək üçün hazırlıqlara başlanıldığı”, – bildirilib.

***

Livan “Hizbullah” terror təşkilatı ilkin məlumata görə, peycerlərin partlaması nəticəsində biri uşaq olmaqla 3 nəfərin öldüyünü, çoxlu sayda insanın yaralandığını bildirib.

“Hizbullah” tərəfindən edilən yazılı açıqlamada, təşkilatın müxtəlif bölmələrində çalışan bəzi şəxslərin istifadə etdiyi peycerlərdə naməlum səbəbdən eyni vaxtda partlayışların olduğu bildirilib.

Açıqlamada biri uşaq olmaqla 3 nəfərin öldüyü, çox sayda insanın yaralandığı paylaşılıb.

Açıqlamada “Hizbullaha bağlı ekspert birliklərinin bu partlayışların səbəblərini təhlükəsizlik və texniki baxımdan hərtərəfli araşdırdığı” və yaralıların Livanın müxtəlif bölgələrindəki xəstəxanalarda müalicə olunduğu bildirilib.

***

Livan “Hizbullah”ı bu hücuma cavab verəcəyini elan edərək, bütün ölkə daxilində üzvlərinin istifadə etdiyi peycerlərin partlamasına görə İsraili məsuliyyət daşıyacaq.

Livan “Hizbullah”ı verdiyi yazılı açıqlamada "Apardıqları araşdırmalar və əllərində olan məlumatlar işığında, peycerlərin partladıldığı, ölkə daxilində mülki vətəndaşları hədəf alan hücuma görə tamamilə İsraili məsuliyyət daşıdığını”, – deyib.

Bəyanatda qeyd olunub ki, İsrail “gözləsə də, gözləməsə də, bu günahkar hücuma görə layiq olduğu cəzanı alacaq”.

İsrail administrasiyası hələlik məsələ ilə bağlı açıqlama verməyib.

***

Livanlı hərbi ekspert Hişam Cabir Livanda peycerlərin partlamasını 8 oktyabr 2023-cü ildən bəri “ən böyük təhlükəsizlik açığı” kimi qiymətləndirərək, İsrailin bunu yalnız bəzi müttəfiqləri ilə edə biləcəyini bildirib.

Hərbi ekspert Livanda 11 nəfərin ölümü, 4000 nəfərin yaralanması ilə nəticələnən peycerlərin partlamasını dəyərləndirib.

Cabir, “Bunlar kiçik ölçülü peycerlərdir. Bu cihazlar müəyyən mesajlar göndərmək üçün istifadə edilir, bəzən şifrələnir. Bu vəziyyətdə İsrail bu cihazlarla göndərilən mesajları izləyə bilmədiyi üçün onu partlatmağa qərar verdi. Bu, yüksək səviyyəli əməliyyatı İsrail təkbaşına etməyib. O, bunu edə bilməzdi, həmkarlarının köməyi ilə edib”, – deyib.

Cabir sözügedən peycerlərin təsirlərinə toxunaraq, “Bu cihazdakı kiçik batareyanın partlaması insanın ürəyinə yaxın olmadıqca ölümə səbəb olmayacaq, ancaq onu taxan insanı yaralayacaq”, – deyib.

Livanın müxtəlif bölgələrində eyni vaxtda insanların partladılmasının İsrail ilə “Hizbullah” arasında 8 oktyabrdan bəri ilk və böyük təhlükəsizlik pozuntusu olduğuna diqqət çəkən Cabir sözlərini belə davam edib: “Peyycerlərin partlaması oktyabrın 8-dən sonra ən böyük təhlükəsizlik pozuntusudur. Bu hadisə “Hizbullah”a bir mesajdır ki, İsrailin mümkün müharibə vəziyyətində böyük texnikaları var".

Əgər hadisənin arxasında İsrail dayanırsa, bu, “Hizbullah”a çəkindirici mesajdır”.

Digər tərəfdən, İsrail Hərbi Kəşfiyyat İdarəsinin (AMAN) keçmiş rəisi Amos Yadlin İsrail ordusu radiosuna verdiyi açıqlamada “Hizbullah peycerlərin partlamasına cavab verməsə, çox təəccüblənəcəyəm”, – deyib.

Yadlin deyib ki, “Hizbullah”ın bu hərəkəti edən İsrailin daha çox sürprizlərilə qarşılaşacağına ümid etdiyini bildirib.

İsrail ordusunun radiosunun xəbərində, “Livanda peycerlərin partladılması aksiyasının arxasında Tel-Əviv dayanırsa, bu, “Hizbullah”a hər hansı plan qurmaqdan çəkindirici mesaj göndərəcək". deyildi.

Eyni zamanda, xəbərdə “Hizbullah” daxilində xaosun hədəf alındığına diqqət çəkilərək, Livanda baş verən hadisənin ancaq dövlətin edə biləcəyi bir hərəkət olduğu bildirilib.

***

İsrailin Dəməşqdə peycerləri partlatması nəticəsində ən azı 10 nəfərin yaralandığı iddia edilib.

İsrailin Suriyanın paytaxtı Dəməşqdə portativ peycerləri partlatması nəticəsində ən azı 10 nəfərin yaralandığı iddia edilib.

***

Bəşər Əsəd rejiminə yaxınlığı ilə tanınan sosial media hesablarında İsrailin Dəməşqdə Keferuse yolu ilə Muvasa tunelini birləşdirən yolda Livan “Hizbullahı”na məxsus avtomobildə səs siqnalını işə saldığı iddia edilib.

Partlayışlar nəticəsində Livan “Hizbullah”ından ən azı 10 nəfərin yaralandığı bildirilib.

İsrailin Livanın paytaxtı Beyrutda portativ peycerləri partlatması nəticəsində yaralanan çoxlu sayda insanın Dəməşqdəki xəstəxanalara göndərildiyi bildirilib.

ABŞ: “Hizbullah” terrorçularının istifadə etdiyi peycerlərin partlaması ilə heç bir əlaqəmiz yoxdur

ABŞ Dövlət Departamenti Livanda “Hizbullah” ünsürlərinin istifadə etdiyi peycerlərin eyni vaxtda partladılmasında heç bir iştirakının olmadığını və insidentə kimin cavabdeh olduğuna dair dəyərləndirmə aparmayacaqlarını bildirib.

ABŞ Dövlət Departamentinin sözçüsü Metyu Miller gündəlik mətbuat brifinqində “Hizbullah” terrorçularının istifadə etdiyi peycerlərin partlaması ilə bağlı mövcud hadisələri dəyərləndirib.

Miller, “ABŞ-ın bu hadisə ilə heç bir əlaqəsinin olmadığını deyə bilərəm. ABŞ-ın bu hadisə ilə bağlı əvvəlcədən məlumatı yox idi. Hazırda hadisə ilə bağlı məlumat toplayırıq”, – deyib.

“Hizbullah”ın İsraili sözügedən hadisədən məsul kimi göstərməsi ilə bağlı sualları cavablandıran Miller, hadisənin hələ yeni olduğunu və necə baş verdiyinə dair məlumat topladıqlarını vurğulayaraq, “Bizim bundan başqa heç bir dəyərləndirməmiz yoxdur”, – deyib.

Davamlı suallar qarşısında hücumun İsrailin olub-olmaması ilə bağlı şərh verməkdən çəkinən Miller, “ABŞ dövlət katibi Blinken bölgədə olarkən belə bir hücumun ABŞ-ın gərginliyi azaltma səylərinə zərər verəcəyini düşünürsünüzmü”, – sualına cavab verməkdən yayınıb.

Miller, İsrailin bu hücumun vaxtını xüsusi olaraq seçdiyinə dair təklifləri şərh etməyəcəyini və mühakimə yürütmək üçün hələ tez olduğunu söylədi.

“Hizbullah qanuni hədəfdir, çünki o, terror təşkilatıdır”

Digər tərəfdən, ABŞ Dövlət Departamentinin sözçüsü Miller suala cavab olaraq “Hizbullah”a qarşı hücumu “qanuni” adlandırıb.

Miller, ABŞ-ın nəzərində “Hizbullah”ın terror təşkilatı və buna görə də “qanuni hədəf” olduğunu və İsrailin “Hizbullah”a qarşı özünü müdafiə etmək hüququna malik olduğunu bildirib.

ABŞ sözçüsü Hizbullahın qanuni hədəf olub-olmaması ilə bağlı suala belə cavab verib: “Mən bu hadisə barədə danışmıram, çünki biz hələ də məlumat toplayırıq, lakin ümumilikdə, bəli, əlbəttə ki, biz terror aktları həyata keçirən “Hizbullah” yaraqlılarını hədəf alan əməliyyatları dəstəkləyirik. Mülki şəxslərə qarşı hücumlar İsrailin özünü terrora qarşı müdafiə etmək hüququna malikdir”.

Sözügedən hadisənin bölgədəki gərginliyi artırdığını qeyd edən Miller, ABŞ olaraq bölgədəki gərginliyin azalmasını istədiklərini və diplomatik həll yolu tapmaq üçün səy göstərdiklərini bildirib.

Ağ Evdən açıqlama: “Hadisə ilə heç bir əlaqəmiz yoxdur”

Digər tərəfdən, Ağ Evin sözçüsü Karin Jan-Piyer, gündəlik mətbuat brifinqində hadisə ilə bağlı sualları cavablandırarkən, ABŞ-ın hücumlarda heç bir əlaqəsi olmadığını ifadə etdi.

Jan-Piter, “Əgər sual “ABŞ iştirak edirmi?” Soruşsanız, yox, ABŞ-ın bu işə qarışması yoxdur. Üstəlik, Livanda yüzlərlə peycerin partlamasından xəbərimiz yox idi. Bu hadisə barədə bizim təsəvvürümüz belə yox idi”, – deyib və bundan başqa şərh verməyəcəyini bildirib.

ABŞ sözçüsü həmçinin qeyd edib ki, administrasiya olaraq İsrail və “Hizbullah” arasında gərginliyin artaraq regional münaqişəyə çevrilməsini istəmirlər və “Bu konkret hadisə ilə bağlı spekulyasiyaya girmək istəmirəm, amma inanırıq İsrail və “Hizbullah” arasında mavi xətt boyunca münaqişələrin diplomatik həlli olmalıdır”, – deyib.

İsrail Baş Qərargah rəisi Livandakı partlayışlardan sonra qiymətləndirmə toplantısı keçirib

Bildirilib ki, İsrail Baş Qərargah rəisi Herzi Halevinin İsrailin Livana sızaraq peycerləri partlatmasından sonra gərginliyin artmasından sonra vəziyyəti dəyərləndirmək üçün toplantı keçirib.

İsrail ordusundan verilən açıqlamaya görə, İsrail Baş Qərargah rəisi Halevi axşam saatlarında “bütün bölgələrdə hücum və müdafiə hazırlığı” mövzusunda vəziyyət dəyərləndirməsi edib.

Bəyanatda həmçinin qeyd olunub ki, ön cəbhə komandanlığı tərəfindən ictimaiyyətin riayət etməsi üçün verilən təhlükəsizlik direktivlərində heç bir dəyişiklik olmayıb.

Livanda təhsil bir günlük dayandırılıb

Livanın təhsil naziri Abbas əl-Halebi İsrailin peycerləri partlatması nəticəsində ölkədə 9 nəfərin ölməsi və 2800 nəfərin yaralanmasından sonra sabah təhsilin dayandırılacağını açıqlayıb.

Nazir Halebi mövzu ilə bağlı verdiyi yazılı açıqlamasında sabah ölkədəki bütün təhsil müəssisələrində təhsilin bir gün müddətinə dayandırılacağını bildirib.

İsrailin Livanda peycerləri partlatmadan əvvəl ABŞ-a məlumat vermədiyi iddia edilib

İsrailin Livana sızaraq peycerləri işə salmadan əvvəl ABŞ rəhbərliyinə məlumat vermədiyi iddia edilib.

ABŞ xəbər platforması “Axios”un iki ABŞ rəsmisinə əsaslanaraq verdiyi xəbərdə İsrailin Livanda peyjerləri partlatmadan əvvəl Bayden rəhbərliyinə məlumat vermədiyi iddia edilib.

Məsələ ilə bağlı məlumatlı mənbənin sözlərinə görə, hücum İsrailin baş naziri Benyamin Netanyahunun bu həftənin əvvəlində yüksək səviyyəli kabinet üzvləri və təhlükəsizlik qurumlarının rəhbərləri ilə keçirdiyi təhlükəsizlik görüşündə təsdiqlənib.

Adı açıqlanmayan bir İsrail rəsmisi də Netanyahu ilə müdafiə naziri Yoav Qallantın Tel-Əvivdəki ordu komandanlıq mərkəzində gün ərzində bir neçə saat görüşdüyünü bildirib.

Başqa bir mənbə isə xəbərə şərh verib ki, İsrail “Hizbullah”la münaqişəni yeni mərhələyə keçirmək üçün hücumu həyata keçirib, lakin genişmiqyaslı müharibə səviyyəsinə çatmamağa çalışıb.