Tayvanda yerləşən “Gold Apollo” şirkəti Livanda bir çox “Hizbullah” terror təşkilatı ünsürlərinin üzərində partladılan peycerləri istehsal etmədiyini və “BAC” adlı şirkətə marka lisenziyası verdiyi açıqlayıb.

“Gold Apollo” firmasından edilən yazılı açıqlamada, “AR924” model peycerlərin istehsalında heç bir səlahiyyətlərinin olmadığı bildirilib.

“Biz sadəcə ticarət nişanına icazə veririk və bu məhsulun dizaynında və ya istehsalında heç bir iştirakımız yoxdur”. Açıqlamada, bu cihazların istehsalının yalnız marka lisenziyasından istifadə etməyə icazə verdikləri “BAC” adlı şirkətə aid olduğu bildirilib.

Tayvan mətbuatında yer alan xəbərlərə görə, “Qızıl Apollon” qurucusu Hsu Çinq Kuanq mətbuat konfransında bu cihazların Tayvanda deyil, xaricdə istehsal edildiyini bildirib.

Hsu görüşdə “BAC” şirkətinin genişlənməsi və ya baş qərargahı haqqında ətraflı məlumat verməkdən yayınıb.

Partlayışlardan sonra Livanlı sosial media istifadəçiləri tərəfindən yayılan görüntülərdə zədələnmiş peycerlərin marka və modelinin “Gold Apollo Rugged Pager AR924” olduğu görülüb.

Hsu cihazları istehsal etmədiyini və “Qızıl Apollon”un hadisənin qurbanlarından biri olduğunu bildirib.

“Biz məsuliyyətli bir şirkətik. Bu, çox utancvericidir”, – dedi.

***

Dünən Livanda Hizbullah ünsürlərinin istifadə etdiyi peycerlərdə eyni vaxtda partlayışlar olub.

Livanın Səhiyyə Nazirliyi Hizbullah ünsürlərinin ölkə daxilində istifadə etdiyi peycerlərin partlaması nəticəsində biri uşaq olmaqla 11 nəfərin həyatını itirdiyini, təxminən 200-ü ağır olmaqla 4000-ə yaxın yaralanın olduğunu açıqlayıb.

Livan rəsmiləri hadisəyə görə İsraili məsuliyyət daşısa da, İsrail hələlik məsələ ilə bağlı açıqlama verməyib.

İsrail-Livan sərhədində 2023-cü il oktyabrın 8-dən bu yana davam edən qarşıdurmalarda son günlər gərginliyin artdığı müşahidə edilib.