ABŞ-ın “Axios” xəbər saytının yüksək səviyyəli bir İsrail rəsmisinə istinadən verdiyi məlumata görə, İsrail vasitəçilər vasitəsilə “HƏMAS” terror təşkilatını məlumatlandırıb ki, qrup əvvəlcədən planlaşdırıldığı kimi şənbə günü üç girovu azad edərsə, Qəzza zolağında atəşkəs razılaşması üzrə öhdəliklərini davam etdirəcək.

Rəsmi bildirib ki, mesaj Misir və Qətər vasitəçiləri vasitəsilə “HƏMAS”a çatdırılıb.

ABŞ prezidenti Donald Tramp şənbə günü günortaya qədər bütün israilli məhbusların azad edilmədiyi təqdirdə qiyamət qapıları açılacaq xəbərdarlığını edib. İsrailin baş naziri Benyamin Netanyahu da bildirib ki, əgər Həmas şənbə günü girovları azad etməsə, atəşkəs bitəcək.

Dünən İsrail mətbuatında çıxan xəbərlərə görə, Netanyahunun bu gün İsrail Ordusunun Cənub Komandanlığına baş çəkəcəyini, “HƏMAS”ın şənbə günü məhbusları azad etməyəcəyi təqdirdə Qəzzada döyüşləri davam etdirmə planlarını təftiş edəcəyini bildirib.

“The Times of Israel” yazır ki, razılaşmanın iflasa uğrayacağı təqdirdə hücum əməliyyatlarını bərpa etmək və “HƏMAS” terrorçularının mümkün hücumuna qarşı çıxmaq planları hazırdır.