Vaşinqton çərşənbə axşamı Səudiyyə Ərəbistanında keçirilən danışıqlardan sonra Ukraynaya hərbi təchizat göndərməyə davam edəcəyini bildirib.

ABŞ çərşənbə günü Ukraynaya silah tədarükünü bərpa etdiyini təsdiqləyib.

Silah tədarükünün bərpası çərşənbə axşamı ABŞ və Ukrayna arasında Ukraynanın ABŞ-ın 30 günlük dərhal atəşkəs təklifini qəbul etdiyini açıqladığı danışıqlardan sonra baş verib.

Danışıqlardan sonra Donald Tramp administrasiyası hərbi dəstəyin dayandırılması qərarını ləğv etdiyini açıqlayıb.

ABŞ dövlət katibi Marko Rubio jurnalistlərə deyib ki, o, Ukraynanın prosesi dəstəkləməsindən “xoşbəxtdir” və hazırda diqqət Rusiyanın cavabına yönəlməlidir.

Bütün diqqətin əsl diplomatiyanın baş tutduğuna əminliyə yönəldiyini deyən Rubio. Ukraynanın təcavüzə qarşı çəkindirici qüvvə yaratmasının vacibliyini bildirib.

Ukraynanın xarici işlər naziri Andrey Sibixa da Səudiyyə Ərəbistanında ABŞ-Ukrayna danışıqlarının əsas nəticəsi olan silah tədarükünün çərşənbə axşamı bərpa olunduğunu təsdiqləyib.

Bundan əlavə, Polşanın xarici işlər naziri Radoslav Sikorski ABŞ-ın Ukraynaya silah göndərilməsinin Polşadakı “Rzeszów-Jasionka” logistika mərkəzi vasitəsilə əvvəlki səviyyələrə qayıtdığını açıqlayıb.

“Top Rusiya meydanındadır”

Rubio jurnalistlərə bildirib ki, atəşkəs razılaşmasını qəbul etmək indi Moskvanın öhdəsindədir: “Top rusların meydanındadır”.

Kreml təklif olunan atəşkəs barədə dərhal təfərrüatlı şərh verməyib. Bu, Ukrayna prezidenti Vladimir Zelenskinin sözlərinə görə, həm Qara dənizdə, həm də bütün cəbhə xətti boyunca raketlərin, pilotsuz təyyarələrin və bombaların dayandırılması demək olacaq.

Kremlin sözçüsü Dmitri Peskov Moskvanın ABŞ tərəfdən məlumat gözlədiyini və bunun “yaxın günlərdə müxtəlif diplomatik kanallar vasitəsilə” çatdırılacağını bildirib.

Rusiyalı deputat Konstantin Kosaçev “Telegram”da iddia edib ki, Rusiyanın döyüş meydanında irəliləməsi səbəbindən Moskva üçün razılaşma Ukraynanın ABŞ ilə əldə etdiyi razılaşmadan fərqli olacaq.

Kosaçev, “İstənilən razılaşma (kompromis zərurətini dərk etməklə) Amerikanın deyil, bizim şərtlərimizlə olmalıdır”, – yazıb.