Ömrünü başa vurmuş peyklər qlobal istiləşməni və ozon təbəqəsinin deşilmələrini sürətləndirə bilər. Yeni bir araşdırma, peyklərin atmosferə daxil olması və yanması zamanı buraxılan kimyəvi maddələrin iqlim dəyişikliyinə və ozon təbəqəsinin nazikləeşməsinə səbəb olduğunu müəyyən edib.

“Journal of Geophysical Research” jurnalında dərc edilən araşdırmaya görə, hazırda 9000-dən çox peyk hava proqnozu, rabitə, naviqasiya və qlobal müşahidə üçün istifadə olunur.

2040-cı ilə qədər bu rəqəmin 60 minə yüksələcəyi təxmin edilir. Peyklərin ömrü təxminən 5 ildir. Bir çox köhnə peyklər hündürlüyünü itirir, atmosferə daxil olur və yanır. Tədqiqatda peyklərin yanması nəticəsində buraxılan qazların ozon təbəqəsinə və iqlim dəyişikliyinə təsiri araşdırılıb.

Kompüter simulyasiyasında peyklərin yanması nəticəsində 2040-cı ilə qədər hər il 10 min ton alüminium oksidinin atmosferə atılacağı müəyyən edilib.

Onların atmosferin yuxarı təbəqələrində toplanmasının 1,5 dərəcə temperatur fərqinə səbəb olacağı və küləyin sürətinin azalacağı proqnozlaşdırılır. Bu vəziyyətin ozon dəliyinin yığılmasını dayandıra biləcəyi bildirilir.

Peyklərin yandırılması nəticəsində atmosferə buraxılan titan, litium, dəmir və misin təsiri ilə bağlı hələ bir model hazırlanmayıb.