Qlobal bazarlarda qızıl qiymətləri ABŞ dollarının zəifləməsi və faiz endirimi gözləntilərinin güclənməsi ilə tarixi rekord səviyyələrə yüksəldi. Spot qızıl bu səhər saatlarına olan məlumata görə 1,50% artaraq unsiya başına 3.818,49 dollar səviyyəsinə çatdı. Qram qızıl isə 1,53% artaraq rekord səviyyəsini 122 dollara yüksəltdi.

ABŞ dollar indeksi dəyər itirdikcə, qızıl ABŞ xaricindəki investorlar üçün daha cəlbedici oldu. Dolların əsas rəqib valyutalar qarşısında 0,24% düşərək 97,89 səviyyəsinə enməsi qızıla olan tələbi gücləndirdi.

Qızıl günün ilk saatlarında rekord səviyyəyə yaxın olaraq 3.799 dollardan yuxarı hərəkət edərkən, spot gümüş qiyməti də 2,38% artaraq 47 dollar səviyyəsinə yüksəldi.

İsveçrə mərkəzli “Swissquote” Bankın analitiki İpək Özqardaşkaya qeyd etib ki, investorlar ABŞ dolları və ABŞ istiqrazlarını bir kənara qoyaraq dəyərli metallara yönəliblər. İqtisadçı qeyd edib ki, bu yüksəliş yalnız qısa müddətli yatırım seçimi deyil, həm də uzunmüddətli, güclü bir trend olaraq qiymətləndirilir.