Terror təşkilatı PKK qalıcı olaraq tərksilah ediləcəyini və dağılacağını açıqladıqdan sonra həm Türkiyədə, həm də Avropada varlığını davam etdirir.

İndi PKK vəkilləri Almaniyada 1993-cü ildən qüvvədə olan PKK qadağasının aradan qaldırılmasını tələb edirlər. Vəkil Lukas Teun iki gün bildirib ki, hazırda Berlin İnzibati Məhkəməsində Almaniya Federativ Respublikasına qarşı məhkəmə prosesi gedir. Bu yolla onlar qara-qırmızı koalisiya hökumətinin cari hadisələri nəzərə almasını təmin etmək istəyirlər.

***

PKK-nın ləğv olunduğunu elan etməsinə baxmayaraq, davam edən qadağası təşkilata bağlı müxtəlif kiçik nəşriyyatlar və mədəniyyət birliklərinə də təsir edir. Teun iddia edib ki, bu, təkcə qanunun aliliyi baxımından şübhə doğurmur, həm də Almaniyadakı kürd icmasını ümumi şübhəyə məruz qoyur. Qadağanın Türkiyədəki sülh prosesini dolayısı ilə də poza biləcəyi iddia edilib.

***

PKK Almaniyadakı qadağanın 2022-ci ilin may ayında ləğv edilməsi üçün uğursuz müraciət etdi. Teun və həmvəkil Pir Stoll müvafiq ərizəni o zaman SPD üzvü Nensi Fizerin rəhbərlik etdiyi Federal Daxili İşlər Nazirliyinə təqdim etdilər.

***

Hazırda CSU üzvü Aleksandr Dobrindtin rəhbərlik etdiyi Federal Daxili İşlər Nazirliyi PKK-nı terror təşkilatı kimi tanımağa davam edir və bu partiyaya bağlı birliklərə qoyulan qadağanı qüvvədə saxlayır. Mayın əvvəlində Daxili İşlər Nazirliyinin vəkilləri vəziyyətin necə inkişaf edəcəyinin gözlənilməz olduğunu bildirdilər.

Teun, federal hökumətin arqumentlərinin tükəndiyini söyləyib, çünki ləğvetmə qətnaməsini qəbul edən konvensiya nəhayət baş tutdu.

Almaniyada PKK qadağanının pozulması iddiası ilə bağlı polis əməliyyatları mütəmadi olaraq həyata keçirilir.