Britaniyanın təhlükəsizlik xidmətləri baş nazir Keir Starmerin evinin yandırılmasında Rusiyanın əli olub-olmadığını araşdırır.

“Britaniya hakimiyyət orqanları yanğında ittiham olunan üç nəfərin Rusiya tərəfi tərəfindən muzdlu olub-olmamasını araşdırır”, – deyə “The Financial Times” Britaniya hökumətindəki yüksək səviyyəli mənbələrə istinadən yazır.

Bu şübhələr təsdiqlənərsə, Londonun reaksiyasının necə olacağı da müzakirə olunur.

Baş nazirin evində yanğın mayın 12-də səhər saatlarında baş verib. Yanğın nəticəsində evin qapısı zədələnib.

Aralarında bir Ukrayna və bir Rumıniya vətəndaşı olan üç şübhəli həbs edilib.

***

Keir Starmer və ailəsi “Downing Street”dəki rəsmi iqamətgahda yaşayarkən, Londonun şimal-qərbində sahibi olduğu dörd otaqlı ev müvəqqəti olaraq icarəyə verilib.

Mayın 8-də Starmerin qonşuya satdığı avtomobil yanıb və mayın 11-də Londonun şimalında bir vaxtlar ailəsi ilə birlikdə yaşadığı evin girişində yanğın baş verib.

Polis son hücumu bu iki hadisə ilə əlaqələndirib.