İsrailin zərbələri nəticəsində öldürülən yüksək rütbəli İran rəsmilərinin siyahısı paylaşılıb. Onların arasında “Zəngəzur İranın qırmızı cizgisidir” deyib, Azərbayacana barmaq silkələyən general Hüseyn Salamı də var. Xameneyidən sonra İranda ikinci şəxs sayılan Hüseyn Səlami Zəngəzur, Ermənistan sərhədi İranın qırmızı xəttidir. İstənilən müdaxilənin qarşısını alacağıq deyirdi.

Sərhədlərimizdə təlim keçirən, bəyanatlar verən, hədələyən, güc nümayiş etdirən, “İranın hakimiyyəti sərhədlərindən kənarda da davam edir”, – deyib, agentura şəbəkəsinə, terror qruplarına dəstək verən generalı bu gecə evində, yatdığı yerdə öldürdülər.

Beləliklə öldürülən yüksəkrütbəlilərdən bəziləri.

Baş Qərargah rəisi Məhəmməd Baqiri

SEPAH komandiri Hüseyn Salami

SEPAH Aerokosmik Qüvvələrinin komandanı Əmir Əli Hacızadə

İranın Atom Enerjisi Təşkilatının rəhbəri Fereydun Abbasi

İran Baş Qərargahının “Xatəmül-Ənbiya” Mərkəzi Qərargahının komandanı general-mayor Qulam Əli Rəşid

İranın nüvə layihəsinin liderlərindən biri Məhəmməd Mehdi Tehranci

İsrail ordusu gecə boyunca edilən hücumlarda 200 qədər təyyarənin iştirak etdiyini və 330-dan çox sursatın atıldığını açıqlayıb.