İyunun 13-də İsrailin İrana genişmiqyaslı hava hücumları ilə başlayan qarşıdurmalar dördüncü gündür ki, davam edir. Qarşılıqlı hücumlar hərbi bazaları, enerji infrastrukturlarını və böyük şəhərləri hədəf alır, eyni zamanda bölgədə gərginlik artmaqdadır. İsrail “Rising Lion” əməliyyatı çərçivəsində başda Tehran olmaqla müxtəlif şəhərlərdə nüvə və hərbi obyektlərə zərbələr endirib. İran ikinci gün ballistik raketlərlə cavab verib. Üçüncü gün toqquşmalar şiddətləndi – İsrailin bəzi bölgələrində, ilk növbədə Hayfada ciddi ziyan dəyib.

Rusiya prezidenti Vladimir Putinin vasitəçilik təklif etdiyi açıqlanarkən ABŞ prezidenti Donald Tramp münaqişənin qızışacağı təqdirdə ABŞ-ın prosesə qarışa biləcəyini bəyan edib. Beynəlxalq ictimaiyyət tərəfləri təmkinli olmağa çağırmaqda davam edir.

Digər tərəfdən İran Səhiyyə Nazirliyinin sözçüsü Hüseyn Kermanpur İsrailin hücumları nəticəsində indiyədək 224 nəfərin həyatını itirdiyini, 1277 nəfərin isə yaralandığını açıqlayıb. Kermanpur, həlak olanların böyük əksəriyyətinin mülki şəxslər olduğunu vurğulayıb.

***

Dövlət televiziyası tərəfindən yayımlanan aşkar edilmiş emalatxananın görüntülərində Tehranın Rey rayonundakı üçmərtəbəli obyektə basqın zamanı çoxlu pilotsuz təyyarə hissələri və partlayıcılar görülüb.

Təhlükəsizlik qüvvələrinin ölkənin müxtəlif bölgələrində əlavə pilotsuz təyyarə istehsalı sexləri ola biləcəyi və onları aşkar etməyə çalışdığı bildirilib.

Digər tərəfdən, paytaxt Tehranda yollarda nəzarət-buraxılış məntəqələri qurulur və şübhəli avtomobillərdə axtarış aparılır.

İsrailin bəzi hücumları mini kamikadze dronlarla həyata keçirilir.

***

İsrail Müdafiə Qüvvələri (IDF) İranın paytaxtı Tehranda Qüds Gücü, İslam İnqilab Keşikçiləri Korpusu (SEPAH və İran ordusuna aid infrastruktur obyektlərini hədəf alan geniş miqyaslı hücum dalğasının çoxsaylı silah istehsalı obyektlərini hədəf aldığını açıqlayıb, "İsrail Müdafiə Qüvvələri İran rejiminin silah istehsal potensialını pozmağa yönəlmiş genişmiqyaslı hücum dalğasını tamamlayıb. Qüds Qüvvələrinə aid infrastruktur obyektlərini hədəf alan genişmiqyaslı hücum dalğasının ardınca, İranın paytaxtı Tehranda SEPAH və İran ordusuna bu gün səhər saatlarında İranın müxtəlif yerlərində çoxsaylı silah istehsalı obyektlərinə hücum edilib”, – bəyanatda deyilir.