İsrailin baş naziri Benyamin Netanyahu bu gün israillilərə İranın nüvə proqramını məhv etmək vədinə əməl etdiyini bildirib və ABŞ-ın İrana hücumunun ölkəsi ilə tam koordinasiyalı çəkildə həyata keçirildiyini deyib.

Netanyahu televiziya ilə çıxışında, “Bir müddət əvvəl ABŞ prezidenti Donald Trampla və İsrail qüvvələri ilə ABŞ ordusu arasında tam əməliyyat koordinasiyası ilə ABŞ İranın üç nüvə obyektinə (Fordo, Natanz və İsfahan) hücum həyata keçirdik”, – deyib.

“Xatırlayırsınız ki, İranla müharibənin əvvəlindən mən sizə İranın nüvə obyektlərinin bu və ya digər şəkildə məhv ediləcəyinə dair söz vermişdim”, – deyən Netanyahu bu vədin yerinə yetirildiyini vurğulayıb.

ABŞ-ın bir gecədə İranı bombalamasından sonra İsrail Hava Limanları İdarəsi bu səhər İsrail hava məkanının son hadisələrə görə növbəti xəbərdarlığa qədər bağlı olduğunu açıqlayıb.

İsrail Hava Limanları İdarəsi verdiyi açıqlamada, “İsrail hava məkanı son hadisələrə görə təyyarələrin eniş və qalxması üçün bağlanıb... Misir və İordaniya ilə quru keçidləri normal işləyir”, – deyilir.

Tel-Əviv və Tehran arasında davam edən müharibəyə səbəb olan İrana qarşı hava hücumlarından sonra İsrail iyunun 13-də hava məkanını bağlamışdı. Netanyahu iyunun 20-də xaricdə çarəsiz qalan israilliləri geri qaytaran uçuşlar üçün hava məkanını yenidən açdı.