
“Hər şeyə hazırlıq”
İsrailin müdafiə naziri İrana hücumla hədələyib
İsrailin müdafiə naziri İrana hücumla hədələyib
İranda 700 bank zülmətə qərq oldu
Tramp ərəb müttəfiqlərinin xətrinə körfəzin adını dəyişdirəcək
20 döyüş təyyarəsi Husilərin hədəflərinə 50 bomba atıb
“İranın hazırda 13 mindən çox qabaqcıl sentrifuqayası var”
Böyük bir sui-qəsd planı ifşa edildi
İran təyyarəsi təcili eniş edib
Raket istehsalına məhdudiyyətləri və uranın 2015-ci il versiyası...
Dünənki müttəfiqlər arasında gizli döyüş – İran və İraq seçkiləri
“İrandan neft alan ölkələr cəzalandırılacaq”
Tehran sazişi “hər kəs qazansın” modeli kimi təqdim edir
Səfirliyin marşal planını oxşarı olan gizli sənədlərində Tehranın “imperiya ambisiyaları” üzə çıxdı
Dağıntılar və yaralılar var
Tehran Tramp administrasiyasını qeyri-ciddilikdə ittiham edib
Araqçı üç ölkəni xüsusi siyasətlərinə görə günahlandırıb
ABŞ müdafiə nazirindən İran haqda sərt sözlər
Avropa Parlamenti qətnamə qəbul edərək, İranda insan haqlarının kobud şəkildə pozulmasını tənqid edib və Nəsrin Sütudə, eləcə də digər siyasi və ətraf mühit aktivistlərin və jurnalistlərin dərhal, qeyd-şərtsiz azad edilməsini tələb edib.
Avropa Parlamenti martın 14-də bəyan edib ki, İran məhkəmə sistemi dindirilmə proseduru prinsiplərini ayaqları altına ataraq, “cinayətləri” yalnız azadlığı müdafiə etmək olan bu məhbusların ən təməl hüquqlarını əllərindən alır.
Avropa Parlamentindəki “Yaşıllar qrupu”nun üzvü Bodil Valero bu xüsusda bildirib: “Biz çox yaxşı bilirik ki, İran rejimi insan haqları, ifadə və etiqad azadlıqları, sərbəst toplaşma hüququ və ətraf mühitə qarşı ehtiram bəsləmir. İranda bu məsələlər ətrafında fəaliyyət göstərən jurnalistlər və digər bütün şəxslər ağır ittihamlarla uzunmüddətli həbslərə məruz qalırlar. Təkcə 2018-ci il ərzində bu ölkədə 285 nəfər edam edilib. Bundan başqa, qadınlar daha böyük təhlükələr ilə üzbəüzdür.”
Bu qətnamə layihəsini hazırlayan 6 nəfər onun qəbulu zamanı keçirilmiş müzakirələrdə Avropa Parlamentində şahidlik ediblər. Onlar bildiriblər ki, məcburi hicabı açan qadınların videolarını və onların polis tərəfindən təhdid ediləməsini görüblər və bütün bu halların doğruluğunu təsdiqləyirlər. Bu şahidlər həmçinin Nəsrin Sütudəyə qarşı çıxarılmış hökmü pislədiklərini və onu əsassız adlandırdıqlarını parlamentarların diqqətinə çatdırıblar.
Qətnamə layihəsini hazırlayanlar həmçinin qeyd ediblər ki, İranda azadlıq tələb edənlər, eləcə də qadın haqlarını müdafiə edənlər müxtəlif əsassız ittihamlarla həbs edilir və ağır işgəncələrə məruz qalırlar.
Qətnamənin qəbul edilməsindən öncə müxtəlif siyasi cinahlardan olan digər avropalı parlamentarların da fikirləri dinlənilib. Sonda layihəni hazırlayanlar avropalı rəsmilərdən bütün diplomatik imkanlardan istifadə edərək, İran rəsmilərinə qarşı siyasi məhbusların dərhal azad edilməsi, eləcə də insan haqları və ifadə azadlığı prinsiplərinə əməl edilməsi istiqamətində təzyiq göstərsinlər.
Xatırladaq ki, Tehran inqilab məhkəməsinin 28-ci şöbəsinin rəhbəri və hakimi Məhəmməd Moqisə martın 11-də jurnalistlərə açıqlamasında bildirib ki, xanım Sütudə “sistemə qarşı qanunsuz toplantılara qatılmaq və sövdələşmək”, eləcə də İranın “dini lideri Əli Xamneyini təhqir etmək”də günahlandırılaraq, 7 il həbsə məhkum edilib. Bu xəbərin yayılmasından sonra beynəlxalq ictimaiyyət, eləcə də əksər Avropa ölkələri bu qərarı ədalətsiz adlandıraraq, xanım Sütudənin dərhal azad edilməsini tələb ediblər. Hətta ötən gün İranın Norveçdəki səfiri məsələ ilə əlaqəli izahat vermək üçün bu ölkənin Xarici İşlər Nazirliyinə çağırılıb.