vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Səttar Xan (1866 - 1914)

«Yüksəlməyə hər millətin
Öz yolları vardır
Millətlər uçar,
yüksələr öz doğma dilyilə»

Səttar Xan (1866 - 1914)
AKTUAL  
19:41 | 22 aprel 2020 | Çərşənbə Məqaləyə 2219 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Betəri hələ qabaqdadır”

ÜST: “Biz bu fəlakətin qarşısını ala bilərik, amma ...”

MÖVZU İLƏ ƏLAQƏLİ

Ümumdünya Səhiyyə Təşkilatının rəhbəri, son günlər ABŞ və bəzi qərb ölkələri tərəfindən koronavirus pandemiyasının qarşısının alınması üçün yetərli iş görməməkdə və hətta virusun yayılması barədə vaxtında xəbərdarlıq etməməkdə günahlandırılan Tedros Adhanom Gebreyesus həyacan təbili çalır.

“Politico” nəşri xəbər verir ki, ÜST rəhbəri Cenevrədən növbəti bəyanatla çıxış edərək bəzi ölkələrin karantin tədbirlərini məhdudlaşdırmağa başlaması nəticəsində pandemiyanın yenidən vüsət alacağı haqda xəbərdarlıq edib. Doktor Gebreyesus bildirib ki, betəri hələ qabaqdadır.

ÜST rəhbəri koronavirus pandemiyasının nə zaman daha geniş vüsət alacağını dəqiqləşdirməyib. Son rəqəmlərə görə dünyada virusa 2.6 milyona yaxın adam yoluxub, 170 minə yaxın adam ölüb. Bəzi mütəxəssislər qeyd edirlər ki, xəstəlik səhiyyə sisteminin inkişaf etmədiyi Afrikada daha sürətlə və geniş yayıla bilər.

Tedros Gebreyesus koronavirus barədə danışarkən  1918-ci ildə yayılmış “ispan qripi”ni xatırladıb. “Bu çox təhlükəli patogendir və 1918-ci ildə ispan qripi epidemiyası dövründə olduğu kimi yayılır”, - o Cenevrədə reportyorlara bildirib.

“Lakin indi bizim texnologiyalarımız var, biz bu fəlakətin qarşısını ala bilərik, bu cür böhranının qarşısını ala bilərik. İnanın bizə. Betəri hələ qabaqdadır. Gəlin bu faciənin qarşısını alaq. Bir çox adamlar hələ də başa düşə bilmir ki, bu nə virusdur”, - o bildirib.

Xatırladaq ki, İtaliya, İspaniya və Almaniya kimi ölkələr koronavirusa görə tətbiq etdikləri karantin rejimini tədricən yumşaltmağa başlayıblar.