Böyük Britaniyanın 1,1 milyard dollar və 15 il sərf etdiyi, ingilis biofiziki, kimyaçısı və kristalloqrafı (DNT, RNT, viruslar, kömür və qrafit strukturlarının araşdırılmasına böyük töhfələr vermiş) Rozalind Franklinin (1920 – 1958) şərəfinə adlandırlımış Mars Roveri deyəsən, heç vaxt Marsa çata bilməyəcək.

Missiya 2022-ci ilin sentyabrında başlayacaqdı. Lazımi avadanlıq və texnikanı Marsa Rusiyanın “Proton” raketi çatdırmalı idi. Qırmızı planetə isə bu yükü “Kozaçok” adlı rus eniş aparatının endirməsi nəzərdə tutulmuşdu.

Rusiyanın Ukraynanı işğalı sonrası Böyük Britaniya “Roskosmos”la əməkdaşlıqdan imtina etdi.

İngilis alimləri “Rozalind Franklin” roverini Marsa iki il sonra – Qırmızı planetə uçuş üçün əlverişli “pəncərə açılanda” göndərməyi təklif edirlər. Ən pis halda isə aparat Marsa ümumiyyətlə göndərilməyəcək.

Bu onu göstərir ki, Böyük Britaniya hökuməti Rusiyanı dünyadan təcrid etmək üçün ən ağır məhrumiyyətlərə belə getməkdən vaz keçmir…