vaxtlı-vaxtında oxuyun! Cümə, 19 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Şah İsmayıl Xətai (1487 - 1524)

«Söz vardır kəsdirir başı,
Söz vardır kəsər savaşı»

Şah İsmayıl Xətai (1487 - 1524)
REGİON  
21:41 | 27 aprel 2022 | Çərşənbə Məqaləyə 469 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Nazarbayevin titulu ləğv olunur

Toxunulmazlığı isə qalacaq

MÖVZU İLƏ ƏLAQƏLİ

Qazaxıstan keçmiş prezident Nursultan Nazarbayevin “elbası” titulunu ləğv etmək istəyir. Qazaxıstan parlamentinin aşağı palatası – Məclisin sədri Erlan Qoşanov aprelin 27-də jurnalistlərə deyib ki, hazırda hökumət komissiyası Nazarbayevin adını “müstəqil Qazaxıstanın qurucusu” kimi təsbit edən qanuna dəyişiklik üzərində işləyir.

Millət vəkili bildirib ki, bu dəyişiklik “birinci prezident – elbası” haqqında qanun maddəsinin ləğvinə səbəb olacaq.

“Elbası” titulu Nazarbayevə hətta 2019-cu ildə prezident postundan getdikdən sonra da hüdudsuz hakimiyyət verirdi.

Qoşanov deyib: “Prezidentlər haqqında qanuna əsasən birinci prezident sadəcə olaraq keçmiş prezident kateqoriyasına düşəcək, amma adı konstitusiyada saxlanacaq”.

81 yaşlı Nazarbayev prezident postundan 2019-cu ilin martında istefa verib və uzun müddət onun varisi sayılan Qasım-Comərd Tokayev prezident seçilib.

Buna baxmayaraq Nazarbayev elbası titulunu və Təhlükəsizlik Şurasının sədri vəzifəsini özündə saxlayıb.

Beləliklə, Nazarbayevin çoxsaylı qohumları da hökumətdə, təhlükəsizlik orqanlarında və gəlirli enerji şirkətlərində mühüm vəzifələrini saxlaya biliblər.

***

Lakin yanvar ayında yanacaq qiymətlərinin kəskin qalxmasına görə başlanmış aksiyalar ölkəni bürüyən korrupsiya və qohumbazlığa qarşı geniş etirazlara çevrilmişdi.

O vaxt Tokayev özü ilə Nazarbayev arasında məsafə yaratmaq üçün bir neçə addımlar atmışdı. Bunlardan biri də Təhlükəsizlik Şurası sədrliyinin Nazarbayevdən alınması idi.

Tokayev bir prezident kimi bu vəzifəni öz üzərinə götürmüşdü.

Birinci prezident haqqında qanun Nazarbayevə və onun yaxın qohumlarına həm də toxunulmazlıq verir.

Bu qanuna görə Nazarbayev Konstitusiya Şurasının ömürlük üzvüdür və onun “şərəf və ləyaqətinə” hər hansı hörmətsizlik cinayət əməli sayılır.

Əgər bu qanun ləğv edilərsə, hakimiyyət Nazarbayevin ailə üzvləri və yaxın qohumlarını mühakimə edə biləcək.

Amma bununla belə Nazarbayev adının konstitusiyada olmasına görə şəxsi toxunulmazlığını saxlamaqda davam edəcək.