vaxtlı-vaxtında oxuyun! Cümə, 19 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Məhəmməd Əmin Rəsulzadə (1884 - 1955)

«İnsanlara hürriyət
Millətlərə istiqlal»

Məhəmməd Əmin Rəsulzadə (1884 - 1955)
REGİON  
13:51 | 20 iyun 2022 | Bazar ertəsi Məqaləyə 460 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Raket bazasına hücum təsdiqləndi

Məhəmmədrza Həsəni Ahəngər “Parçin”ə edilən hücumda öldürülüb

CAVİDAN

MÖVZU İLƏ ƏLAQƏLİ

İranda ballistik raketlər istehsal edən “Parçin” hərbi sənaye mərkəzi və bazasına hücum edilməsi ilə bağlı xəbər təsdiq olunub.

İran İnqilab Keşikçiləri Korpusuna bağlı “İmam Hüseyn” Universitetinin komandiri Məhəmmədrza Həsəni Ahəngər məsələ ilə bağlı SEPAH-a aid “Təsnim” xəbər agentliyinə açıqlama verib.

“Bu gün biz Silahlı Qüvvələrin laboratoriyalarında istehsalat və sənaye təxribatının şahidi olduq, qabaqcıl laboratoriya avadanlıqlarımızın məhv edilməsi üçün səylər göstərildi”-deyə, o bildirib.

Həsəni Ahəngər Müdafiə Nazirliyinin ölən mütəxəssisinin birbaşa hədəf alınmadığını, onun hərbi sənaye müəssisəsinə edilən təxribat nəticəsində həlak olduğunu deyib.

Qeyd edək ki, 25 may tarixində İran mediası Müdafiə Nazirliyinin mütəxəssisi Əlirza Qədbeyginin həlak olduğu barədə məlumat yaysalar da, onun ölüm səbəbləri açıqlanmamışdı.

“İmam Hüseyn” Universitetinin komandiri Məhəmmədrza Həsəni Ahəngərin iyunun 20-də verdiyi açıqlamadan “Parçin”ə hücum edildiyi və Qədbeyginin hücum nəticəsində həlak olduğu bəlli olub.