vaxtlı-vaxtında oxuyun! Cümə, 19 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Nəriman Nərimanov (1870 - 1925)

«Siz ata-babalarınızın müqəddəs yerlərinə o vaxt VƏTƏN deyə bilərsiniz ki, onun sahibi olasınız»

Nəriman Nərimanov (1870 - 1925)
REGİON  
19:26 | 21 iyun 2022 | Çərşənbə axşamı Məqaləyə 237 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Elbaşının qardaşına ağır ittiham

Bolat Nazarbayev Karuan şirkətini qanunsuz ələ keçirməkdə günahlandırılır

MÖVZU İLƏ ƏLAQƏLİ

Qazaxıstanda Karuan maliyyə xidmətləri şirkətinin sahibləri ölkənin keçmiş prezidenti Nursultan Nazarbayevin qardaşı Bolat Nazarbayevi şirkəti qanunsuz ələ keçirməkdə ittiham edir. Maliyyə Monitorinqi Agentliyi şirkət sahiblərinin məhkəmə iddiası qaldırdığını bildirir.

***

Agentliyin iyunun 21-də yaydığı bəyanatda deyilir ki, Almatı Şəhər Prokurorluğu iddianı qəbul edib və hazırda onu tədqiq edir. Keçmiş prezidentin qardaşına cinayət işi açılmasına sonra qərar veriləcək.

Qurum iddianı kimin qaldırdığını açıqlamayıb. Ancaq yerli media Nazarbayev və onun keçmiş həyat yoldaşı Maira Qurmanğalıyevaya qarşı iddianın təşəbbüskarının Nurşa Kakenov olduğunu yazır.

69 yaşlı Bolat Nazarbayev yanvarın əvvəlində hökumətə qarşı etirazlar vaxtı Qazaxıstandan qaçıb, hazırda Dubayda olduğu güman edilir.

81 yaşlı Nursultan Nazarbayev və klanı yanvar etirazlarından sonra gücünü və nüfuzunu itirib. Həmin etirazlarda azı 230 nəfər öldürülüb, minlərlə insan yaralanıb.

***

2019-cu ildə prezident postundan gedən Nazarbayev Qasım-Comərd Tokayevi öz varisi seçib. Ancaq o, Təhlükəsizlik Şurasının başçısı səlahiyyətini saxlayırdı, Elbaşı titulu vardı. Onun çoxsaylı qohumları hökumətdə, təhlükəsizlik agentliklərində, gəlirli enerji qruplarında mühüm postlar tuturdular.

Yanvarda yanacağın bahalanmasına etirazlar sonradan bütün ölkəyə yayıldı. Tokayev Nazarbayevi Təhlükəsizlik Şurasındakı postdan uzaqlaşdırdı, yerinə özü keçdi.

Etirazlardan bir neçə gün sonra Nazarbayevin iki kürəkəni böyük dövlət şirkətlərində aparıcı postlardan uzaqlaşdırıldılar.

Nazarbayevin bir sıra qohumları, ailəyə yaxın olanlar ya vəzifədən çıxarılıb, ya da istefa verib. Onlardan bəziləri korrupsiya ittihamları ilə həbs olunub.

İyunun əvvəlində Tokayevin təşəbbüsü ilə keçirilən referendum nəticəsində konstitusiyadan Nazarbayevlə bağlı maddələr çıxarılıb.