vaxtlı-vaxtında oxuyun! Şənbə, 1 oktyabr 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Məhəmməd Əmin Rəsulzadə (1884 - 1955)

«Bir kərə yüksələn bayraq bir daha enməz!»

Məhəmməd Əmin Rəsulzadə (1884 - 1955)
REGİON  
18:55 | 1 sentyabr 2022 | Cümə axşamı Məqaləyə 6091 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İki molla ölümcül döyülüb

İranda ruhanilərə qarşı hücumlar çoxalıb

TİMUR

MÖVZU İLƏ ƏLAQƏLİ

İranın Qum şəhərinin dini mərkəzinin orqanı olan “Hozə” saytının avqustun 31-də verdiyi məlumata görə, bu şəhərdə iki axund vətəndaşların hücumuna məruz qalıb.

Qum şəhərindəki məscidlərdən birinin axundu deyib ki, o və eyni şəhərdə başqa bir məscidin imamı iki nəfər tərəfindən dəmir boru ilə döyülüblər.

Bununla bağlı o, mətbuata açıqlamasında iddia edib ki, hücum edənlər hər iki mollanı “öldürmək” istəsələr də, onun qışqırıqları və insanların toplaşması ilə hadisə yerindən qaça biliblər.

Mollalar polis qüvvələrinin hadisə yerinə 40 dəqiqə sonra gəlmələrini tənqid edib və  başqa axundların da canlarının təhlükədə olduğunu bildirib.

Ağır vəziyyətdə xəstəxanaya çatdırılan mollalar döyülmələrinin səbəbi barədə heç bir məlumat verməsələr də, sosial media fəalları hadisə şahidlərinə istinadən bu barədə xəbərlər paylaşıblar.

Onların yazdığına görə, iki molla vətəndaşların geyim tərzlərinə irad bildirdikləri və onları təhqir etdikləri üçün cəzalandırılıblar.

Qeyd edək ki, xüsusilə son illər İranın müxtəlif yerlərində mollaların vətəndaşların şəxsi həyatına müdaxilələri onların döyülməsi, bir sıra hallarda öldürülmələri ilə nəticələnib.

Son bir neçə ay ərzində İranın Qum, İsfahan, Tehran, Günbəd Kavus, Zahidan bölgələrində onlarla mollaya hücum edilib və onlardan dördü həlak olub.