vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Xalq gərək daim öz kökünü xatırlasın»

Heydər Əliyev (1923 - 2003)
REGİON  
16:14 | 29 sentyabr 2022 | Cümə axşamı Məqaləyə 1570 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

ABŞ İran PUA-sını vurub

İraq hökuməti rəsmi Tehrana etiraz edib

CAVİDAN

MÖVZU İLƏ ƏLAQƏLİ

ABŞ silahlı qüvvələri sentyabrın 28-də İraqın şimalında İrana məxsus pilotsuz uçuş aparatını (PUA) vurub. Bu barədə Amerika Mərkəzi Komandanlıq Qərargahı (CENTCOM) sentyabrın 29-u səhər saatlarında verdiyi açıqlamada bildirilir.

Məlumata görə, sentyabrın 28-i yerli vaxtla saat 14:10-da Amerika qüvvələrinin İraqın şimalında yerləşən Ərbil şəhəri istiqamətində hərəkət edən İrana məxsus pilotsuz təyyarəni vurduğunu açıqlayıb.

Məlumatda bildirilir ki,  İrana məxsus pilotsuz uçan aparat “Mohajer-6” tipli olub.

Amerika rəsmilərinin sözlərinə görə, o, regionda mövcud olan Amerika qüvvələri üçün təhlükə hesab edilib.

Amerikanın İran PUA-sını vurması SEPAH-ın İraqın şimalında Tehran hökumətinə müxalif kürd qüvvələrinə qarşı geniş hava hücumları həyata keçirdiyi vaxta təsadüf edir.

CENTCOM-un məlumatına görə, İraqın şimalında SEPAH-ın həyata keçirdiyi hücumlar günahsız mülki əhalinin həyatını təhdid edir və regionun sabitliyi üçün təhlükə törədir.

SEPAH-ın İraqın şimalına raket, artilleriya və dron hücumlarından sonra İraq hökuməti sentyabrın 28-də İranın Bağdaddakı səfirini çağırıb və bu hücumlara görə Tehran hökumətinə etirazını bildirib.

Amerika və Böyük Britaniya xarici işlər nazirlikləri də sentyabrın 28-də ayrı-ayrı bəyanatlarında SEPAH-ın Şimali İraqın Kürd bölgəsinə endirdiyi hava hücumunu İraqın milli suverenliyi və ərazi bütövlüyünün pozulması kimi qiymətləndiriblər.

Verilən məlumatlara görə, İranın hücumları nəticəsində 9 nəfər həyatını itirib, onlarla insan yaralanıb.