vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Şeyx Məhəmməd Xiyabani (1880 - 1920)

«Vaxt bizi getməli olduğumuz yerə istiqamətləndirir»

Şeyx Məhəmməd Xiyabani (1880 - 1920)
REGİON  
00:45 | 24 noyabr 2022 | Cümə axşamı Məqaləyə 503 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“İyrənc tədbirlər”

ABŞ İran zindanlarında baş verən cinsi təcavüzlərə reaksiya verdi

MÖVZU İLƏ ƏLAQƏLİ

“İrandakı etirazlarda həbs olunan qadınlar təcavüzə məruz qalır”. Bu barədə CNN hadisə şahidlərinə istinadən məlumat yayıb.

Həbs olunan qadının sözlərinə görə, o, polis məntəqəsində bir gün saxlanılıb və ona da qarşı cinsi zorakılıq əməli törədilib.

Habelə o da qeyd olunub ki, artıq 2 aydan çoxdur davam edən etiraz aksiyalarında ən azı 378 nəfər öldürülüb, xeyli sayda insan yaralanıb və 15 minə yaxın aksiya iştirakçısı həbs olunub.

Həmçinin əlavə olunub ki, aksiyaya qoşulan qadınların həbs olunması üçün videomateriallardan istifadə olunur və hətta aksiyalara qatılmayaraq sosial şəbəkə hesablarında etiraz edənlər də həbs edilir və işgəncələrə məruz qalır.

***

ABŞ Dövlət Departamentinin sözçüsü Ned Prays İran həbsxanalarında baş verən cinsi təcavüz xəbərlərinə reaksiya verib.

Prays nümayişçilərə, o cümlədən İslam Respublikası hökumət qüvvələrinin nəzarətində olan uşaqlara qarşı hücumlar barədə yayılmış xəbərləri qətiyyətlə pisləyib və cinsi zorakılığı etirazları yatırmaq vasitəsi kimi “cəsur etirazçıları qorxutmaq üçün iyrənc tədbirlər” adlandırıb.

Bazar ertəsi, şahidlərin və yaxşı məlumatlı tibbi mənbələrin ifadələrinə əsaslanan istintaq hesabatında, CNN xəbər kanalı məhbuslara qarşı cinsi qısnama və təcavüz hallarını, cinsi qısnama və zorlama zamanı bəzi qurbanların səssiz qalmalarını təmin etmək üçün çəkilişləri üzə çıxarıb.

Dövlət Departamentinin sözçüsü bəyan edib ki, ABŞ birtərəfli və çoxtərəfli tədbirlər və BMT-yə müraciət etməklə xalqa zülm etdiyinə görə İran hakimiyyətinin cavabdehlik daşımasını tələb edir.