vaxtlı-vaxtında oxuyun! Cümə, 23 fevral 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Barış Manço (1943 - 1999)

«İnsanlar hər zaman qəhrəman ola bilməzlər, ama hər zaman insan ola bilərlər»

Barış Manço (1943 - 1999)
REGİON  
12:33 | 9 dekabr 2022 | Cümə Məqaləyə 1102 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

HHM qarşılığında PUA

Rusiya və İran tam hüquqlu tərəfdaşa çevrilir

XALİDƏ

MÖVZU İLƏ ƏLAQƏLİ

Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi Rusiyanın İrana heç vaxt olmadığı kimi hərbi və texniki dəstək verdiyini və iki ölkə arasındakı əlaqələrin “tam müdafiə ortaqlığına” çevrildiyini bildirib.

Kirbi ABŞ xarici siyasətindəki son hadisələri “Zoom” proqramı vasitəsilə onlayn rejimdə Ağ Ev müxbirlərinə dəyərləndirib və jurnalistlərin suallarını cavablandırıb.

İranın Ukraynada istifadə üçün Rusiyaya İHA dəstəyi verdiyini ifadə edən Kirbi, “Bunun müqabilində Rusiya İrana görünməmiş səviyyədə hərbi və texniki dəstək verir. İki ölkə arasındakı əlaqələr tam hüquqlu müdafiə ortaqlığına çevrilir. Bu, durum təkcə Ukraynaya deyil, həm də İranın regiondakı qonşuları üçün təhlükə yaradır. Biz bu məlumatı Yaxın Şərqdəki və dünyadakı tərəfdaşlarımızla paylaşmışıq”.

İranın hərbi baxımdan Rusiyanın “bir nömrəli dəstəkçisi” olduğunu qeyd edən Kirbi avqust ayından bu yana Ukraynadakı müharibə ilə bağlı yüzlərlə İHA tədarük etdiyini vurğulayıb.

Kirbi “İranın hərəkətlərinə görə Ukraynada insanlar ölür” sözlərilə İranın yaxın aylarda dəstəyini artıracağını və Rusiyaya yüzlərlə ballistik raket satmağı düşündüyünü bildirib.

Kirbi, “Moskva və Tehranın Rusiyada silahlı İHA istehsal etmək üçün ortaq istehsal xətti qurmağı düşündüyünü də bilirik. Rəsmi Tehranı yolundan dönməyə və bu addımları atmamağa dəvət edirik”, – dedi.

Rusiyanın İranla silah inkişafı kimi sahələrdə də əməkdaşlığa can atdığını ifadə edən Kirbi, “Rusiyanın İrana qabaqcıl hərbi materiallar vermək niyyətindən narahatıq. Moskva Tehrana helikopterlər və hava hücumundan müdafiə sistemləri kimi avadanlıq dəstəyi verə bilər“.

Kirbi əlavə edib ki, bölgədə təhlükəsizliyin təmin edilməsi və iki ölkənin bu hərəkətlərdən əl çəkməsi üçün əllərindən gələni edəcəklər.