Telefonların bir çox xüsusiyyətlərini ehtiva edən ağıllı saatlar sağlamlıq məlumatlarını da izləyə bilir. Xüsusilə gündəlik atılan addımların sayını izləmək üçün istifadə edilən bu texnoloji cihazların bəzi modelləri ürək döyüntüsündən tutmuş oksigen səviyyələrinə qədər müxtəlif ölçmələr edə bilir.

Digər tərəfdən, bu məlumatların dəqiqliyi ekspertlər tərəfindən müzakirə edilir.

CNN-in sağlamlıq eksperti doktor Lina Uen (Leana Wen) ağıllı saatlar tərəfindən edilən ölçmələrə nə qədər güvənməli olduğunu ətraflı izah etdi. Ağıllı saat da istifadə edən ekspert telekanala verdiyi müsahibədə Uen bu cihazlardan daha çox faydalanmaq üçün öz təkliflərini də bölüşüb.

Bir çox mütəxəssis ağıllı saatların addım sayma xüsusiyyətinin adətən dəqiq nəticələr verdiyini deyir. Uen gündəlik addım sayı hədəfinin qoyulmasının ürək xəstəlikləri riskini azalda biləcəyini bildirir və əlavə edir ki, ağıllı saatlar bu baxımdan faydalıdır: “İnsanlara hədəflərini xatırlatmaqla, onları daha çox addım atmağa təşviq edə bilər”.

Mütəxəssis həmçinin ürək döyüntüsünü ölçə bilən cihazların idmançılar üçün xüsusilə faydalı ola biləcəyini düşünür.

Digər tərəfdən, bu məlumatların dəqiqliyi cihazın keyfiyyətindən asılı olaraq dəyişir. 2023-cü ildə aparılan bir araşdırma, ürək dərəcəsi məlumatlarının məşq intensivliyindən və insanın qollarını hərəkət etdirməməsindən asılı olaraq əhəmiyyətli dərəcədə dəyişdiyini tapıb.

Bəzi ağıllı saatlar ürək ritminin pozulmasını və bədənin oksigen səviyyəsini də ölçür. Bununla belə, doktor Uen və bir çox həkim həmişə bu məlumatlara etibar etməməyi tövsiyə edir.

Bu texnoloji cihazların tibbi cihazları əvəz edə bilməyəcəyini söyləyən ekspert deyir ki, öz bədənini dinlə: “Ürək döyüntüsü, nəfəs darlığı, sinə ağrısı, başgicəllənmə və ya digər qəribə hisslər hiss edirsinizsə, ağıllı saatınız ürək döyüntüsünün və ritminizin normal olduğunu bildirsə belə, həkiminizlə əlaqə saxlamalısınız”.

Ekspert həmçinin əlavə edir ki, ABŞ Qida və Dərman İdarəsi (FDA) ürək ritminin pozulmasını ölçmək üçün bəzi modelləri təsdiqləyib. Təcili yardım otağında işləyən həkim deyir ki, ağıllı saat ürəkdə anormal vəziyyətin olduğunu göstərərsə, mütəxəssisə müraciət edilməlidir.

Ağıllı saatlar, deyəsən, oksigen səviyyələrini kifayət qədər yaxşı ölçmür. Uen bildirir ki, ağciyər problemi olan insanlar daha təhlükəsiz nəticələr verən nəbz oksimetrləri adlanan cihazları ala bilərlər.

Qanda şəkər səviyyəsini izləmək üçün ağıllı saatlardan istifadə edilməməsi bildirən həkim əlavə edir: “Dərman dozasını təyin etmək üçün dəqiq ölçmələrə ehtiyacı olan diabet xəstələri, qan şəkəri göstəriciləri səhv olarsa, çox az və ya çox dərman qəbul edə bilərlər. Bu da təhlükəli ola bilər”.

Bəzi ağıllı saatlar yuxu vəziyyətini və sağlamlıq məlumatlarını izləyir. Ekspert deyir ki, bu məlumat ona daha yaxşı yatmağa kömək edib: “Ağıllı saatımın yuxu keyfiyyəti və müddəti haqqında mənə verdiyi məlumatları sevirəm. Bunları yaşadığım mühitdə etdiyim dəyişikliklərlə müqayisə edərək hansı dəyişikliklərin işə yaradığını, hansının yaramadığını görə bilirəm”.

Digər tərəfdən, bədən hərəkətləri əsasında yuxunu izləyən cihazlardan alınan məlumatlar o qədər də təhlükəsiz olmaya bilər. Mütəxəssislər yeni modellərin bu baxımdan təkmilləşdiyini deyirlər.