vaxtlı-vaxtında oxuyun! Çərşənbə, 29 may 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Hüseyn Şəhriyar (1906 - 1988)

«Şair xalqın səsi, əsrin səsidir,
Vətənin ağsaçlı sərkərdəsidir,
Hökmüylə ordular ayağa qalxır,
Şerinin selində daşlar da axır»

Məhəmməd Hüseyn Şəhriyar (1906 - 1988)
AKTUAL  
13:34 | 29 noyabr 2016 | Çərşənbə axşamı Məqaləyə 3012 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Sayğaclara müdaxilə olmayacaq»

«Azəriqaz» tarif artımı ilə bağlı açıqlama verdi

Gülşən RAUFQIZI

MÖVZU İLƏ ƏLAQƏLİ

Azərbaycan Tarif (qiymət) Şurasının 2016-cı il 28 noyabr tarixində keçirilmiş növbəti iclasında təbii qazın pərakəndə satış tarifi əhali üzrə illik istehlak həcmi 1500 kubmetrədək olan istehlakçılar üçün dəyişdirilməyərək bir kubmetr üçün mövcud 10 qəpik səviyyəsində saxlanılıb, illik istehlak həcminin 1500 kubmetrdən çox olan hissəsi üçün isə 20 qəpik müəyyənləşdirilib.

SOCAR məsələyə aydınlıq gətirsə də, bəzi abonentlərdə yeni tariflərlə bağlı suallar yaranıb. Məsələn, abonentlərdən biri deyir:

«Mən tutaq ki, 3 ildir smart tipli qaz sayğacı işlədirəm. Hər dəfə də ildə 2000 kub qaz işlədirdim, amma sayğacda əlavə funksiya işə düşmürdü. İndi sayğaca kim komanda verəcək ki, 1500 kub tamam oldu, növbəti sərfiyyatı yeni tariflə hesablanacaq?».

Abonentlərin bu tip sualları ilə bağlı müraciət etdiyimiz «Azəriqaz» İstehsalat Birliyinin (İB) mətbuat xidmətinin rəhbəri İbrahim Kərbalayev Modern.az-a bildirdi ki, 1500 kubdan artıq qaz istehlak edən abonentlərin sayğacına hər hansı müdaxilə olmayacaq:

 «Hər bir abonentin saldosu var. Saldoda abonentin sərf etdiyi qazın həcmi, ödədiyi məbləğ və tarix öz əksini tapır. Smart tipli sayğaclarda 1500 kub 150 manatdır.

İstifadə edilən qazın həcmi 150 kubu keçdisə, növbəti sərf edilən qazın hər kubuna görə 20 qəpik hesablanacaq. Bu avtomatik olaraq hər bir abonentin saldosuna uyğun həyata keçiriləcək. Yəni sayğaclara hər hansı müdaxilədən söhbət getmir».